အခန်းတစ်ခန်းလျှင် မျက်နှာစာ အကျယ် (၁၅)ပေ၊ အနံ (၂၄) ပေ၊ အမြင့် (၂၀)ပေ ရှိသည့် (၈)ခန်းတွဲ၊ နှစ်ထပ်အဆောက်အဦကို တင်ဒါအောင်ကုမ္ပဏီက ငွေကြေးစိုက်ထုတ်ဆောက်လုပ်ရမည်ဖြစ်ပြီး အခန်းများကို စည်ပင်သာယာရေးအဖွဲ့က ဖွဲ့စည်းပေးမည့် တိုက်ခန်းရောင်းချရေးကော်မတီက ရောင်းချပြီး ကုန်ကျစရိတ်ကို ပြန်လည်ပေးချေမည်ဖြစ်ကြောင်း သိရသည်။
"အဆောက်အဦကို မိမိရင်းနှီးမြှပ်နှံမှုနဲ့ စိုက်ထုတ် ဆောက်လုပ်ရမှာပါ။ ဒီရက်ထဲမှာပဲ ကော်မတီအစည်းအေဝးလုပ်ပြီး အိတ်ဖွင့်တင်ဒါ ခေါ်ပါမယ်။ တင်ဒါအောင်တဲ့သူက တစ်ပတ်အတွင်း လုပ်ငန်း အကောင်အထည်ဖော်ရမှာဖြစ်ပါတယ်။ အဆောက်အဦဆောက်ပြီးရင် စည်ပင်ကိုအပ်ရမှာပါ။ စည်ပင်ကနပြေီး ကော်မတီအစီအစဉ်နဲ့အခန်းတွေကိုရောင်းချ ပေးသွားမှာ ဖြစ်ပါတယ်"ဟု မကွေးမြို့နယ် စည်ပင်သာယာရေးအဖွဲ့၊ အင်ဂျင်နီယာမှူး EE ဦးစိန်သန်းငွေ က တာချီလိတ်သတင်းအေဂျင်စီသို့ ပြောသည်။
လက်ရှိတွင် ကားကြီးဝန်းအတွင်း ကားဂိတ်ဖွဲ့စည်းပုံအရ ဂိတ်ပေါင်း(၅၇)ဂိတ်အတွက်သာ နေရာရှိသဖြင့် ဂိတ်များကို ပူးတွဲဖွင့်လှစ်နေရခြင်းဖြစ်ကြောင်း မကွေးတိုင်း ဒေသကြီး၊ပုဂ္ဂလိကပိုင်လုပ်ငန်းသုံး မော်တော် ယာဉ်လိုင်းများ ကြီးကြပ်ရေးကော်မတီ(ယက က)ရုံးအဖွဲ့၊ဌာနမှူး ဦးတင်စော ထံမှ သိရ သည်။
အဆိုပါကားကြီးဝန်းအတွင်း လမ်းများကို ၂၀၁၉-၂၀၂၀ စည်ပင်သာယာရေးဘတ်ဂျက်ကျပ် (၃၅၆)သိန်း သုံးစွဲပြီး ကွန်ကရစ်လမ်းများခင်းသွားမည်ဖြစ်ကြောင်း သိရသည်။
သတင်း/ဓာတ်ပုံ - ဖီးနစ်
