~~~~~~~~⊰❂ Unicode Version ❂⊱~~~~~~~~

မယ်ဆိုင်ဂူအတွင်းမှ ကယ်ဆယ်ရေးပစ္စည်းများ သယ်ထုတ်ရာသို့ တောဝက်အသင်းက ကူညီပေးနေ
*********
ထိုင်းနိုင်ငံ မယ်ဆိုင်ဂူအတွင်း ကယ်ဆယ်ရေးလုပ်စဉ်က ကျန်ခဲ့သည့်ပစ္စည်းများကို ရေတပ်အထူးအဖွဲ့နှင့် တာဝန်ရှိသူများက သယ်ထုတ်နေရာ ဂူအတွင်းမှကယ်ဆယ်ခံရသူ (၁၃)ဦးကလည်း ပါဝင်ကူညီနေကြောင်း သိရသည်။

မယ်ဆိုင်ဂူအတွင်း ကယ်ဆယ်ရေးလုပ်စဉ်က ကျန်ခဲ့သည့်ပစ္စည်းများကို ၂၀၁၉ ခုနှစ်၊ မတ်လ (၁၈)ရက်နေ့မှစ၍ သယ်ထုတ်နေခြင်းဖြစ်ပြီး သယ်ထုတ်လာသည့်ပစ္စည်းများကို သက်ဆိုင်ရာဌာနများသို့ သယ်ဆောင်ပေးပို့နေကြောင်း သိရသည်။

ဂူအတွင်းမှပစ္စည်းများ သယ်ထုတ်နေသည့်ကာလတွင် အများပြည်သူဝင်ရောက်လည်ပတ်ခွင့်ကို ပိတ်ပင်ထားပြီး ဂူအတွင်းမှပစ္စည်းများကို ထပ်မံသယ်ထုတ်ရန်ကျန်နေသေးကြောင်း သိရသည်။

မယ်ဆိုင်ရှိ တောဝက်ဘောလုံးအသင်းမှ အသက် (၁၁)နှစ်မှ (၁၆)နှစ်အရွယ် ကလေး (၁၂)ဦးနှင့် အသက် (၂၅)နှစ်အရွယ် နည်းပြတို့သည် ၂၀၁၈ ခုနှစ် ဇွန်လ (၂၃)ရက်နေ့က ထမ့်လွမ်ဂူအတွင်း ဝင်သွားရာမှ ဂူအတွင်းရေများ ပြည့်သွားသဖြင့် ပိတ်မိနေခဲ့ကြရာ နိုင်ငံတော်အဆင့် ကယ်ဆယ်ရေးလုပ်ဆောင်ခဲ့ရပြီး နိုင်ငံတကာမှ ပါဝင်ကူညီပေးခဲ့ကြခြင်းဖြစ်သည်။

Chiang Rai PR Department, Thaiger