မေကြးၿမိဳ႕ ကန္သာေစ်းတြင္ စားေသာက္ကုန္မ်ားကို ေရွာင္တခင္စစ္ေဆးရာ တာရွည္ခံေဆးသံုးထားသည့္ ေခါက္ဆဲြေျခာက္ႏွင့္ အသားတု(၂)မ်ိဳးကိုေတြ႔ရသျဖင့္ ေခါက္ဆြဲေျခာက္စက္ရံုအား ဆက္လက္စစ္ေဆးရန္ႏွင့္ အသားတုမ်ားတင္သြင္းသူမ်ားကို ဆက္လက္စံုစမ္းေနေၾကာင္း သိရသည္။
အစားအေသာက္ႏွင့္ေဆးဝါးကြပ္ကဲေရးဦးစီးဌာန (FDA)၊ စားသံုးသူ ေရးရာဦးစီးဌာန၊ ေစ်းေကာ္မတီႏွင့္ စည္ပင္သာယာေရးေကာ္မတီတို႔ပါဝင္သည့္ ပူးေပါင္းအဖဲြ႔က ၂၀၁၉ ခုႏွစ္၊ ဧၿပီလ(၂၄)ရက္ေန႔တြင္ ေရွာင္တခင္စစ္ေဆးရာ အသားတု(၂)မ်ိဳးႏွင့္ ေခါက္ဆဲြေျခာက္တစ္မ်ိဳးတြင္ (BORAX) တာရွည္ခံေဆးမ်ား သံုးစဲြထားသည္ကို ေတြ႔ရိွခဲ့ရေၾကာင္း သိရသည္။
“ေခါက္ဆဲြေျခာက္က လပ္ကီးတံဆိပ္နဲ႔ပါ။ အဲဒီပစၥည္းေတြကို ေစ်းေကာ္မတီေရွ႕ေမွာက္မွာ သိမ္းဆည္း ဖ်က္ဆီး ၿပီး ဆက္လက္ေရာင္းခ်ျခင္းမျပဳဖို႔ ခံဝန္ကတိထိုးေစခဲ့ပါတယ္။ ေခါက္ဆဲြေျခာက္က တံဆိပ္ပါတဲ့အတြက္ ထုတ္လုပ္တဲ့စက္ရံုကို ခိ်တ္ဆက္ၿပီးေတာ့ စက္ရံုက ေခါက္ဆဲြေျခာက္ေတြကို စစ္ေဆးဖို႔ ဆက္လက္ေဆာင္ရြက္ေနတယ္။ အသားတုက တံဆိပ္မပါေပမဲ့ ေရာင္းခ်သူေတြရဲ႕ ေျပာျပခ်က္အရ ရန္ကုန္နဲ႔ အိႏၵိယက တိုက္ရိုက္ဝင္တာေတြဆိုတာသိရလို႔ သတင္းေထာက္လွမ္းေရးေတြ ဆက္လက္လုပ္ေဆာင္ေနပါတယ္”ဟု မေကြးတိုင္းေဒသႀကီး အစားအေသာက္ႏွင့္ ေဆးဝါးကြပ္ကဲေရးဦးစီးဌာန (FDA)၏ တိုင္းတာဝန္ခံ ေဒါက္တာျပည့္ထူးက တာခ်ီလိတ္သတင္းေအဂ်င္စီသို႔ ေျပာသည္။
ေစ်းအတြင္းမွ စားေသာက္ကုန္ (၁၈)မ်ိဳးကို ဝယ္ယူ၍ အဆိုပါ အစားအေသာက္မ်ားတြင္ အႏၱရာယ္ရိွသည့္ ပစၥည္းမ်ား ပါ၊ မပါႏွင့္ ဆိုးေဆးမ်ား၊ တာရွည္ခံေဆးမ်ား သံုးထားျခင္းရိွ၊ မရိွ ကို ေရြ႕လ်ားဓာတ္ခဲြခန္းယာဥ္ျဖင့္ ဓာတ္ခဲြစစ္ေဆးခဲ့ျခင္းျဖစ္သည္။
“ကၽြန္ေတာ္တို႔အေနနဲ႔က အမ်ိဳးသားက်န္းမာေရးကို ေစာင့္ေရွာက္ရမွာပဲေလ။ ျပည္သူေတြမွာ ျဖစ္သလိုဝယ္၊ ျဖစ္သလိုစား၊ ျဖစ္သလိုသံုးေနၾကရတာ ၾကာခဲ့ၿပီ။ အမ်ိဳးသားက်န္းမာေရးအဆင့္က ကမာၻမွာ အေတာ္ေလးနိမ္႔တဲ့အဆင့္ဆိုေတာ့ အခုလို ျပည္သူလူထုနဲ႔ ဌာနဆိုင္ရာေတြပူးေပါင္းၿပီး အမ်ိဳးသားက်န္းမာေရးကို ေစာင့္ေရွာက္တဲ့ လုပ္ေဆာင္ခ်က္အေပၚ အားရေက်နပ္မိပါတယ္” ဟု မေကြးၿမိဳ႕နယ္စည္ပင္သာယာေရးေကာ္မတီဥကၠဌ ဦးဖိုးနီက ေျပာသည္။
မေကြးၿမိဳ႕တြင္ ဓာတ္ခဲြယာဥ္ျဖင့္ ေရွာင္တခင္စစ္ေဆးမႈမ်ား လုပ္ေဆာင္ေနရာ ယခင္စစ္ေဆးမႈမ်ားအတြင္း ၿမိဳ႕မေစ်းႏွင့္ ရန္ပယ္ေစ်းတို႔မွ အသားတုႏွင့္ ကြမ္းသီးတို႔တြင္ ခြင့္မျပဳဓာတုဆိုးေဆးမ်ားပါဝင္ေၾကာင္း ေတြ႔ရိွခဲ့ရျခင္းျဖစ္သည္။
သတင္း၊ဓာတ္ပံု #ဖီးနစ္
~~~~~~~~⊰❂ Unicode Version ❂⊱~~~~~~~~
မကွေးမြို့ ကန်သာစျေးတွင် စားသုံးရန်မသင့် ခေါက်ဆွဲခြောက်နှင့် အသားတု (၂)မျိုး စစ်ဆေးတွေ့ရှိ
************
မကွေးမြို့ ကန်သာစျေးတွင် စားသောက်ကုန်များကို ရှောင်တခင်စစ်ဆေးရာ တာရှည်ခံဆေးသုံးထားသည့် ခေါက်ဆွဲခြောက်နှင့် အသားတု(၂)မျိုးကိုတွေ့ရသဖြင့် ခေါက်ဆွဲခြောက်စက်ရုံအား ဆက်လက်စစ်ဆေးရန်နှင့် အသားတုများတင်သွင်းသူများကို ဆက်လက်စုံစမ်းနေကြောင်း သိရသည်။
အစားအသောက်နှင့်ဆေးဝါးကွပ်ကဲရေးဦးစီးဌာန (FDA)၊ စားသုံးသူ ရေးရာဦးစီးဌာန၊ စျေးကော်မတီနှင့် စည်ပင်သာယာရေးကော်မတီတို့ပါဝင်သည့် ပူးပေါင်းအဖွဲ့က ၂၀၁၉ ခုနှစ်၊ ဧပြီလ(၂၄)ရက်နေ့တွင် ရှောင်တခင်စစ်ဆေးရာ အသားတု(၂)မျိုးနှင့် ခေါက်ဆွဲခြောက်တစ်မျိုးတွင် (BORAX) တာရှည်ခံဆေးများ သုံးစွဲထားသည်ကို တွေ့ရှိခဲ့ရကြောင်း သိရသည်။
“ခေါက်ဆွဲခြောက်က လပ်ကီးတံဆိပ်နဲ့ပါ။ အဲဒီပစ္စည်းတွေကို စျေးကော်မတီရှေ့မှောက်မှာ သိမ်းဆည်း ဖျက်ဆီး ပြီး ဆက်လက်ရောင်းချခြင်းမပြုဖို့ ခံဝန်ကတိထိုးစေခဲ့ပါတယ်။ ခေါက်ဆွဲခြောက်က တံဆိပ်ပါတဲ့အတွက် ထုတ်လုပ်တဲ့စက်ရုံကို ချိတ်ဆက်ပြီးတော့ စက်ရုံက ခေါက်ဆွဲခြောက်တွေကို စစ်ဆေးဖို့ ဆက်လက်ဆောင်ရွက်နေတယ်။ အသားတုက တံဆိပ်မပါပေမဲ့ ရောင်းချသူတွေရဲ့ ပြောပြချက်အရ ရန်ကုန်နဲ့ အိန္ဒိယက တိုက်ရိုက်ဝင်တာတွေဆိုတာသိရလို့ သတင်းထောက်လှမ်းရေးတွေ ဆက်လက်လုပ်ဆောင်နေပါတယ်”ဟု မကွေးတိုင်းဒေသကြီး အစားအသောက်နှင့် ဆေးဝါးကွပ်ကဲရေးဦးစီးဌာန (FDA)၏ တိုင်းတာဝန်ခံ ဒေါက်တာပြည့်ထူးက တာချီလိတ်သတင်းအေဂျင်စီသို့ ပြောသည်။
စျေးအတွင်းမှ စားသောက်ကုန် (၁၈)မျိုးကို ဝယ်ယူ၍ အဆိုပါ အစားအသောက်များတွင် အန္တရာယ်ရှိသည့် ပစ္စည်းများ ပါ၊ မပါနှင့် ဆိုးဆေးများ၊ တာရှည်ခံဆေးများ သုံးထားခြင်းရှိ၊ မရှိ ကို ရွေ့လျားဓာတ်ခွဲခန်းယာဉ်ဖြင့် ဓာတ်ခွဲစစ်ဆေးခဲ့ခြင်းဖြစ်သည်။
“ကျွန်တော်တို့အနေနဲ့က အမျိုးသားကျန်းမာရေးကို စောင့်ရှောက်ရမှာပဲလေ။ ပြည်သူတွေမှာ ဖြစ်သလိုဝယ်၊ ဖြစ်သလိုစား၊ ဖြစ်သလိုသုံးနေကြရတာ ကြာခဲ့ပြီ။ အမျိုးသားကျန်းမာရေးအဆင့်က ကမ္ဘာမှာ အတော်လေးနိမ့်တဲ့အဆင့်ဆိုတော့ အခုလို ပြည်သူလူထုနဲ့ ဌာနဆိုင်ရာတွေပူးပေါင်းပြီး အမျိုးသားကျန်းမာရေးကို စောင့်ရှောက်တဲ့ လုပ်ဆောင်ချက်အပေါ် အားရကျေနပ်မိပါတယ်” ဟု မကွေးမြို့နယ်စည်ပင်သာယာရေးကော်မတီဥက္ကဌ ဦးဖိုးနီက ပြောသည်။
မကွေးမြို့တွင် ဓာတ်ခွဲယာဉ်ဖြင့် ရှောင်တခင်စစ်ဆေးမှုများ လုပ်ဆောင်နေရာ ယခင်စစ်ဆေးမှုများအတွင်း မြို့မစျေးနှင့် ရန်ပယ်စျေးတို့မှ အသားတုနှင့် ကွမ်းသီးတို့တွင် ခွင့်မပြုဓာတုဆိုးဆေးများပါဝင်ကြောင်း တွေ့ရှိခဲ့ရခြင်းဖြစ်သည်။
သတင်း၊ဓာတ်ပုံ #ဖီးနစ်
