သတင္း #ၿငိမ္းခ်မ္း(ျပည္)
************
ရှမ်းပြည်နယ်အရှေ့ပိုင်း၊ မိုင်းယောင်းမြို့၊ တာလုတ်ကျေးရွာ၊ မုန်းလိုက်တံတား စစ်ဆေးရေးဂိတ်တွင် ပိတ်ဆို့စစ်ဆေးမှုအတွင်း အမျိုးသား (၃)ဦးကို ရှမ်းတူမီး၊လုပ်သေနတ်၊ ခဲယမ်းများနှင့်အတူ ဖမ်းဆီးထားကြောင်း သိရသည်။
နယ်မြေခံတပ်နှင့် ရဲတပ်ဖွဲ့ဝင်များပါဝင်သည့် ပူးပေါင်းအဖွဲ့သည် ၂၀၁၉ ခုနှစ်၊ ဧပြီလ (၂၉)ရက်နေ့ ညနေ (၄)နာရီခွဲဝန်းကျင်တွင် မုန်းလိုက်တံတား စစ်ဆေးရေးဂိတ်အား ပိတ်ဆို့စစ်ဆေးမှုအတွင်း တာချီလိတ်နှင့်မိုင်းဖြတ်နေသူ အမျိုးသား (၃)ဦးလိုက်ပါလာသည့် မော်တော်ယာဉ်တစ်စီးအား စစ်ဆေးရာမှ ဖမ်းဆီးရမိခြင်းဖြစ်ကြောင်း သိရသည်။
အဆိုပါ မော်တော်ယာဉ်တွင် အသက် (၅၃)နှစ်အရွယ် နွဲ့အွန်၊ အသက် (၅၉)နှစ်အရွယ် အိုက်အွန်ပျဲန်းနှင့် အသက် (၆၇)နှစ်အရွယ် အိုက်ရီကျောက်တို့ လိုက်ပါလာပြီး အရှည် (၅)ပေကျော်ရှိသည့် ရှမ်းတူမီး၊ သစ်သားလက်ကိုင်ရိုးတပ် လုပ်သေနတ်နှင့် (၁၂)ဗို့ကျည် (၄)တောင့်၊ ငွေကျပ် သိန်း (၂၀)တို့ကို စစ်ဆေးတွေ့ရှိရခြင်းဖြစ်ကြောင်းသိရသည်။
တရားမဝင် လက်နက်သယ်ဆောင်လာသည့် နွဲ့အွန်၊ အိုက်အွန်ပျဲန်းနှင့် အိုက်ရီကျောက်တို့အား မိုင်းယောင်းမြို့မရဲစခန်းတွင် (ပ)၆/၂၀၁၉၊ ရှမ်းလက်နက် ၁၂ (က)ဖြင့် အမှုဖွင့်စစ်ဆေးနေကြောင်း သိရသည်။
သတင်း #ငြိမ်းချမ်း(ပြည်)
ဓါတ်ပုံ - ရဲတပ်ဖွဲ့
