~~~~~~~~⊰❂ Unicode Version ❂⊱~~~~~~~~

မြန်မာလုပ်သားများအပါအဝင် ထိုင်းရေလုပ်ငန်းမှရွှေ့ပြောင်းလုပ်သားများ သက်တမ်းတိုးရေး ရှင်းလင်းစွာ ဆောင်ရွက်ပေးရန် ထိုင်းရေလုပ်ငန်းရှင်များအသင်းတောင်းဆို
***********
ထိုင်းနိုင်ငံရေလုပ်ငန်းမှ မြန်မာ၊လာအိုနှင့် ကမ္ဘောဒီးယားလုပ်သားများ၏ အလုပ်လုပ်ကိုင်ခွင့်သက်တမ်း ကုန်ဆုံးတော့မည်ဖြစ်ရာ သက်တမ်းတိုးခြင်းနှင့်ပတ်သက်၍ မူဝါဒရှင်းရှင်းလင်းလင်းချမှတ်ပေးရန် ထိုင်းနိုင်ငံရေလုပ်ငန်းရှင်များအသင်းချုပ်က တောင်းဆိုလိုက်သည်။

အဆိုပါရွှေ့ပြောင်းလုပ်သား (၂၀၀၀၀)ခန့်၏ အလုပ်လုပ်ကိုင်ခွင့်သက်တမ်းမှာ ၂၀၁၉ ခုနှစ်၊ နိုဝင်ဘာလ (၁)ရက်နေ့တွင် ကုန်ဆုံးတော့မည်ဖြစ်ပြီး (၁၀၉၀၀)ခန့်မှာ ၂၀၂၀ ခုနှစ် မတ်လ (၃၁)ရက်တွင်လည်းကောင်း၊ လုပ်သား(၆၆၀၀)ခန့်မှာ ၂၀၂၀ ခုနှစ်၊ စက်တင်ဘာလတွင်လည်းကောင်း အသီးသီး သက်တမ်းကုန်ဆုံးကြတော့မည်ဖြစ်ကြောင်း ရေလုပ်ငန်းအသင်း၏ ဒုဥက္ကဌဖြစ်သူ ဆရာဝပ် သွန်ဝပ်ဆခွန်းက ပြောကြားသည်။

အဆိုပါရွှေ့ပြောင်းလုပ်သားများ၏ အလုပ်လုပ်ကိုင်ခွင့်သက်တမ်းကို အချိန်မီတိုးပေးနိုင်ခြင်းမရှိပါက ထိုင်းရေလုပ်ငန်းအနေဖြင့် လုပ်ငန်းလည်ပတ်နိုင်မည်မဟုတ်တော့ကြောင်းကိုလည်း သတိပေးထားသည်။

မြန်မာအလုပ်သမားရေးရာဝန်ကြီးဌာနနှင့် ထိုင်းအလုပ်သမားရေးရာဌာနတို့ မကြာခင်ကတွေ့ဆုံခဲ့မှုအတွင်း မြန်မာရွှေ့ပြောင်းလုပ်သားများ၏ အခွင့်အရေးကာကွယ်ပေးရေးနှင့် အလုပ်လုပ်ကိုင်ခွင့်အခြေအနေများတိုးတက်ရေးအတွက် နှစ်နိုင်ငံပူးပေါင်းဆေးာင်ရွက်ရန် သဘောတူညီထားကြောငး် သိရသည်။

Tachileik News Agency
Ref: Bangkok Post