Ref: Bangkok Post

~~~~~~~~⊰❂ Unicode Version ❂⊱~~~~~~~~

ထိုင်းနိုင်ငံတွင် ဒရုန်းဖြင့် ပိုးသတ်ဆေးဖြန်းခြင်း စမ်းသပ်ဆောင်ရွက်သည့် လူငယ်တစ်ဦး ဆေးဖြန်းသည့်စီးပွားရေးလုပ်ငန်း တိုးချဲ့လုပ်ကိုင်လာရ
***************
ထိုင်းနိုင်ငံတွင် မိသားစုလယ်ယာမြေများအား ဒရုန်းဖြင့်ဆေးဖြန်းရာမှ လုပ်သားရှားပါးမှုနှင့် ကြုံနေရသည့် လယ်သမားများက ငှားရမ်းကြသဖြင့် ဒရုန်းဖြင့်ဆေးဖြန်းပေးခြင်းလုပ်ငန်းကို စီးပွားဖြစ်လုပ်ကိုင်နေပြီဖြစ်ကြောင်း သိရသည်။

အစိုးရဝန်ထမ်းဖြစ်သည့် အသက် (၃၀)အရွယ် မစ်တာရာဝိဒါခူးလ်က မိဘများ၏လယ်ယာများတွင် ဆေးဖြန်းရန် အလုပ်သမားအခက်အခဲဖြစ်နေ၍ ကူညီလုပ်ပေးခဲ့ခြင်းဖြစ်ကြောင်း သိရသည်။

ပိုးသတ်ဆေးများ ပက်ဖြန်းခြင်းဆိုင်ရာသင်တန်းတက်ရောက်ပြီးနောက် တစ်ကြိမ်လျှင် အရည် (၁၀)လီတာကို သယ်ဆောင်ဖြန်းပက်နိုင်သည့် ဒရုန်းကိုအသုံးပြု၍ မိခင်ဖြစ်သူ၏ လယ်ယာမြေ ရိုင် (၁၀၀)ခန့်အား ပိုးသတ်ဆေးဖြန်းခြင်း၊ ပေါင်းသတ်ဆေးဖြန်းခြင်း၊ မြေသြဇာပက်ဖျန်းခြင်းတို့ကို ပြုလုပ်ခြင်းဖြစ်ကြောင်း သိရသည်။

လယ်ယာလုပ်ငန်းတွင် ဒရုန်းကို ထိရောက်စွာအသုံးပြုနိုင်မှုကိုသိရှိသွားသည့် ဖိချစ်မှ လယ်သမားများက ငှားရမ်းမှုများ မြင့်တက်လာသဖြင့် မစ်တာရာဝိဒါခူးလ်သည် ရုံးချိန်ပြင်ပနှင့် ရုံးပိတ်ရက်များတွင် ပြင်ပစီးပွားရေးလုပ်ငန်းတစ်ခုအဖြစ် လုပ်ကိုင်လာရကြောင်း သိရသည်။

အကူလက်ထောက်များပါခန့်ထား၍ ဒရုန်းဖြင့် ပိုးသတ်ဆေးပက်ဖြန်းခြင်းလုပ်ငန်းဆောင်ရွက်နေသော်လည်း ဒေသခံလယ်သမားများအနေဖြင့် အော်ဂင်းနစ်စိုက်ပျိုးစနစ်ကို အသုံးပြုကြရန် အကြံပေးလမ်းညွန်ခြင်းများကိုလည်း လုပ်ဆောင်နေကြောင်း သိရသည်။

ထိုင်းနိုင်ငံတွင် အသီးအနှံ၊ အသီးအရွက်များ၌ ပိုးသတ်ဆေး၊ ပေါင်းသတ်ဆေးဓါတ်ကြွင်းကျန်ရှိမှု များပြားနေသဖြင့် လယ်သမားများအား ပိုးသတ်ဆေး၊ ပေါင်းသတ်ဆေး အသုံးပြုနည်းသင်တန်းပေးပြီး သင်တန်းဆင်းများကိုသာ အသုံးပြုခွင့်ပေးမည့်အစီအစဉ်ကို စိုက်ပျိုးရေးဌာနနှင့် ထိုင်း FDA တို့က ပူးပေါင်းစီစဉ်နေကြကြောင်း သိရသည်။

Tachileik News Agency
Ref: Bangkok Post