~~~~~~~~⊰❂ Unicode Version ❂⊱~~~~~~~~

“ကျိုင်းတုံမှာ PCV 2 တွေ့ရတယ်လို့ သိရတယ်။ ဒီဘက်မှာလည်း ကျွန်တော်တို့ သုံးသပ်လို့ရသလောက် PCV 2 ပဲဖြစ်စေ နောက် အာဖရိကဝက်အပြင်းဖျားပဲဖြစ်စေ လူကိုကူးစက်တဲ့ ရောဂါမျိုးမဟုတ်ပါဘူး ခင်ဗျ။ ကျွန်တော်တို့က ဘာကြောင့် အရေးတယူလုပ်နေရလဲဆိုတော့ ဒါတွေက ဝက်ဝက်ချင်း ကူးစက်မယ်ဆိုလို့ရှိရင် ရွာတွေမှာဆို တစ်ကောင်ရောဂါဝင်လိုက်တာနဲ့ သေဆုံးနှုန်းက မြင့်တက်သွားမှာလေ။ ဝက်သေဆုံးနှုန်း မြင့်သွားရင် ပြည်သူလူထုရဲ့စီးပွားရေးဆုံးရှုံးမှု များသွားမှာစိုးတဲ့အတွက်ကြောင့် ကျွန်တော်တို့က အရေးတယူလိုက်ပြီး ဆောင်ရွက်နေတာပါ”ဟု တာချီလိတ်မြို့နယ် မွေးမြူရေးနှင့်ကုသရေးဦးစီးဌာနမှ လက်ထောက်ညွှန်ကြားရေးမှူး ဒေါက်တာကျော်ကျော်စိုးက တာချီလိတ်သတင်းအေဂျင်စီသို့ ပြောသည်။

ဒေသတွင်း ဝက်သေဆုံးမှုများကြောင့် ဝက်သေ၊ဝက်နာများအား မစားသုံးဘဲ စနစ်တကျ မြမြေုပ်ခြင်း၊ မီးရှို့ခြင်းဖြင့် အခြားဝက်များထံ ရောဂါကူးစက်ခြင်းမရှိစေရန်လုပ်ဆောင်ရန် သတိပေးထားခြင်းဖြစ်သော်လည်း အစိုးရိမ်လွန်သည့် ဒေသခံများက ဝက်သားစားသုံးမှု လျော့နည်းသွားကြောင်း သိရသည်။

“ရောဂါရှိတဲ့ ဝက်သားကို စားမိရင် လူကို မကူးဘဲ၊ ဝက်တွေကိုပဲ ကူးတတ်တယ်ဆိုတဲ့ အသိပညာပေးမှုတွေကို အဓိက ကတော့ မြို့ပေါ်မှာ ပြုလုပ်ပေးရင် ပိုကောင်းလိမ့်မယ်၊ အခုက မြို့ပေါ်က လူတွေက စိုးရိမ်စိတ်များပြီး မစားကြတော့ဘူး၊ ဝက်သားရောင်းအားက အခုဆိုရင် အရင်ကထက် ဆယ်ဆလောက် ရောင်းအားကျသွားတယ်”ဟု တာချီလိတ်တွင် ဝက်သားရောင်းချသည့်ဆိုင်ရှင်တစ်ဦးက ပြောသည်။

တာချီလိတ်မြို့နယ်အတွင်း ဝက်သေဆုံးမှုဖြစ်ပွားသည့် ကျေးရွာများသို့ တာချီလိတ်မြို့နယ် မွေးမြူရေးနှင့် ကုသရေးဦးစီးဌာနက သြဂုတ်လ (၃)ရက်နေ့ကတည်းက ကွင်းဆင်းပြီး ဝက်များရောဂါကာကွယ်ရေးအတွက် လိုအပ်သည့်ပံ့ပိုးမှုများ လုပ်ဆောင်ပေးနေကြောင်း သိရသည်။

“လက်ရှိမှာတော့ ဝက်သေဆုံးမှုလျော့သွားပါတယ်။ အစကလည်း သေနှုန်းဆိုတာ တစ်ပတ်၊ ဆယ်ရက်လောက်ဖြစ်ပြီးမှ ကျွန်တော်တို့က သိရတာမို့ အဲဒီလိုဖြစ်သွားတာပါ။ ဝက်နာ၊ ဝက်သေသားကို မစားခိုင်းတာကလည်း အသားကလည်း မကောင်းတော့ဘူး။ နောက်တစ်ခုက ဒါကို သယ်ဆောင်တယ်၊ ရောင်းချတယ်ဆိုတာ ရောဂါကိုပျံ့နှံ့စေတဲ့အတွက် ဒါကတားမြစ်ရမယ့်ဟာကို ဖြစ်နေလို့ပါ။ ဝက်တွေဆီကို ပြန်ကူးမှာစိုးလို့ပါ”ဟု မွေးမြူရေးနှင့်ကုသရေးဦးစီးဌာနမှ တာချီလိတ်မြို့နယ်ဦးစီးမှူး ဒေါက်တာကျော်ကျော်စိုးက ပြောသည်။

တာချီလိတ်ခရို်င်အတွင်း တာချီလိတ်၊ မိုင်းဖြတ်နှင့် မိုင်းယောင်းမြို့နယ်များတွင် ၂၀၁၉ ခုနှစ်၊ သြဂုတ်လ အတွင်း ဝက်သေဆုံးမှုများဖြစ်နေသဖြင့် မွေးမြူရေးနှင့်ကုသရေးဦးစီးဌာနက ရောဂါဖြစ်ဝက်များ၏ သွေးနမူနာကို ဓာတ်ခွဲခန်းပို့စစ်ထားပြီး ကျေးရွာများ အထိကွင်းဆင်းကာ နာဖျားဝက်များအား ဆေးထိုးခြင်း၊ ဝက်မွေးမြူသည့်နေရာများတွင် ခြံဖျန်းဆေးများဖြန်းပေးခြင်း၊ ဝက်မွေးမြူသူများအနဖြေင့် ဝက်များရောဂါကာကွယ်ရေးအတွက် သိသင့်သည်များကို ပညာပေးဆွေးနွေးခြင်းများကို ဆောင်ရွက်နခြေင်းဖြစ်ကြောင်း သိရသည်။

Tachileik News Agency
ဓာတ်ပုံ - LBVD