~~~~~~~~⊰❂ Unicode Version ❂⊱~~~~~~~~

မွန်နှင့် တနင်္သာရီတိုင်းအတွင်း ပျက်စီးသွားသည့် ရန်ကုန် - ရေး - ထားဝယ် - မြိတ်လမ်းကို သြဂုတ်လ (၁၈) ရက်နေ့တွင် ပြန်ဖွင့်နိုင်ဖွယ်ရှိ
*********
မွန်ပြည်နယ်နှင့် တနင်္သာရီတိုင်းအတွင်း ရေကြီး၊ မြေပြိုမှုများကြောင့် ပျက်စီးသွားသည့် ရန်ကုန် - ရေး - ထားဝယ် - မြိတ်လမ်းမှ လမ်းပိုင်းများကို ပြုပြင်နေပြီဖြစ်ရာ ၂၀၁၉ ခုနှစ်၊ သြဂုတ်လ (၁၈)ရက်နေ့တွင် ကုန်ကားကြီးများ ဖြတ်သန်းနိုင်ဖွယ်ရှိသည်ဟု ဆောက်လုပ်ရေးဝန်ကြီးဌာနက သတင်းထုတ်ပြန်ထားသည်။

ရန်ကုန် - ရေး - ထားဝယ် - မြိတ်လမ်းပိုင်း မိုင်တိုင် (၁၁၂/၀ မှ ၁၁၅/၄) အတွင်း မလွဲတောင်အပိုင်းရှိ တောင်ပြိုမြေများအား မွန်ပြည်နယ်၊ လမ်းဦးစီးဌာန၊ လမ်းအဖွဲ့များက  သြဂုတ်လ (၁၃)ရက်နေ့က ရှင်းလင်းပြီးသွားပြီဖြစ်ကြောင်း သိရသည်။

တနသာင်္ရီတိုင်းဒေသကြီးအတွင်း လမ်းသားပြတ်တောက်နေသော ထားဝယ်မှ ၈၀/၂ မိုင်အကွာအထိ တောင်ပြိုလမ်းများအား မွန်ပြည်န ယ်၊ လမ်းဦးစီးဌာနက ဖယ်ရှားရှင်းလင်းမည်ဖြစ်ပြီး တနသာင်္ရီတိုင်းဒေသကြီး မလွဲတောင် - ထားဝယ်လမ်းပိုင်းတွင် တောင်ပြိုမြေ ဖယ်ရှားရှင်းလင်းခြင်းအား လမ်းအထူးအဖွဲ့က ဆောင်ရွက်နေရာ သြဂုတ်လ (၁၄)ရက်နေ့တွင် ပြီးစီးနိုင်ဖွယ်ရှိကြောင်း သိရသည်။

အဆိုပါ လမ်းပိုင်းတွင် ကားငယ်များ ဖြတ်သန်းသွားလာနိုင်မည့် ဘေလီတံတားထိုးခြင်းလုပ်ငန်းကို တံတားအထူးအဖွဲ့နှင့် လမ်းအထူးအဖွဲ ့များက သြဂုတ်လ (၁၆)ရက်နေ့တွင် ပြီးစီးရန်ဆောင်ရွက်နေသည့်ပြီး ကုန်ကားကြီးများ သြဂုတ်လ (၁၈)ရက်နေ့တွင် ဖြတ်သန်းသွားလာနိုင်ရန် ဆောင်ရွက်နေခြင်းဖြစ်ကြောင်း သိရသည်။

Tachileik News Agency
ဓါတ်ပုံ - ဆောက်လုပ်ရေးဝန်ကြီးဌာန