၂၀၁၅ ခုနှစ် စက်တင်ဘာလမှ ၂၀၁၇ ခုနှစ် ဖေဖေါ်ဝါရီလအတွင်း ရောင်းချထားသည့် ၁၅ လက်မ Mac Book Pro များတွင် အသုံးပြုထားသည့် လစ်သီယမ်ဘက်ထရီများမှာ လောင်ကျွမ်းနိုင်ချေရှိသဖြင့် ဘက်ထရီလဲလှယ်ကြရန် Apple ကုမ္ပဏီက ကြေညာထားခြင်းဖြစ်သည်။

Apple က အဆိုပါကာလအတွင်း ဈေးကွက်တွင်ရောင်းချထားသည့် ၁၅ လက်မ Mac Book Pro များအနက် အချို့မှာ ဘက်ထရီ လဲလှယ်ရန်လိုအပ်ခြင်းဖြစ်ပြီး Apple က အခမဲ့လဲလှယ်တပ်ဆင်ပေးမည်ဟု ကြေညာထားခြင်းဖြစ်သည်။

ဘက်ထရီလဲလှယ်ရန် လိုအပ်ခြင်းရှိ၊မရှိ သိရှိလိုပါက https://support.apple.com/15-inch-macbook-pro-battery-recall တွင် ဝင်ရောက်စစ်ဆေးနိုင်မည်ဖြစ်သည်။

အဆိုပါကြေညာချက်ကြောင့် လေကြောင်းလိုင်းများတွင် အဆိုပါ Mac Book Pro များ သယ်ဆောင်ခွင့်ကို တားမြစ်လာကြခြင်းဖြစ်ပြီး ဘက်ထရီလဲလှယ်တပ်ဆင်ထားပါက သယ်ဆောင်ခွင့်ပေးမည်ဖြစ်ကြောင်း သိရသည်။

မတော်တဆပေါက်ကွဲစေတတ်သဖြင့် လေကြောင်းလုံခြုံရေးအရ အလားတူပိတ်ပင်ခံခဲ့ရသည့်ဖြစ်စဉ်ကို Samsung Note 7 လည်း ရင်ဆိုင်ခဲ့ရခြင်းဖြစ်သည်။

Tachileik News Agency
Ref: The Nation, Apple