မန္တလေးတိုင်း ညောင်ဦးမြို့ ကုတင် ၁၀၀ ဆေးရုံတွင် လုံခြုံရေးတာဝန်ထမ်းဆောင်နေသော မိတ္ထီလာမြို့ ရဲတပ်ရင်း (၃၅) မှ ရဲတပ်သားတစ်ဦး လက်နက်ခဲယမ်းနှင့်အတူ အလင်းဝင်လာသည်ဟု Southern YSO PDF ထံမှ သိရသည်။

 

ရဲတပ်သား မောင်နေသူအောင် (၁၉)နှစ်သည် ပါးရီစက်ကလေး သေနတ်အမျိုးအစားခေါ်  81 သေနတ် တစ်လက်၊ ကျည်ဘောက် (၂)ခု၊ ၇.၆၂ ကျည်အတောင့် (၅၀)တို့နှင့်အတူ လက်နက်အပ် အလင်းဝင်လာခြင်းဖြစ်သည်ဟု သိရသည်။ 

လက်နက်အပ် ဝင်ရောက်လာသော ရဲတပ်သားမောင်နေသူအောင်ကို ကျပ်သိန်း(၄၀)ချီးမြှင့်ပေးခဲ့ပြီး ၎င်းနေထိုင်လိုသောအရပ်သို့ ဘေးကင်းလုံခြုံစွာ ပို့ဆောင်ပေးထားသည်ဟု သိရသည်။ 

ယခုအချိန်ထိ Southern YSO PDF အဖွဲ့ထံသို့ အလင်းဝင်ရောက်လာသော စစ်ကောင်စီတပ်သား အမြောက်အများရှိနေပြီး အချို့ကို ၎င်းတို့နေထိုင်လိုဒေသသို့ ပို့ဆောင်ပေးထားကာ အချို့မှာလည်း အာဏာရှင်တော်လှန်ရေး လုပ်ငန်းစဉ်တွင် ပူးပေါင်းပါဝင်နေသည်ဟု သိရသည်။

#TachileikNewsAgency

#TNA_MAT

Photo: Southern YSO PDF