ရှမ်းပြည်နယ်တောင်ပိုင်း ရွှေညောင်မြို့တွင် တောင်ကြီးမှ ပင်ဖြစ်ရွာသို့ မောင်းနှင်လာသော ကားတစ်စီး ၂၀၂၄ ခုနှစ် နိုဝင်ဘာလ (၁၆)ရက်နေ့ နံနက်ပိုင်းက ကုန်တင်ယာဥ်ကို ဝင်တိုက်မိကာ အမျိုးသမီး (၃)ဦး သေဆုံးကာ (၁၀)ဦး ဒဏ်ရာရရှိကြောင်း မြို့နယ်မီးသတ်တပ်ဖွဲ့ထံမှ သိရသည်။ 

MITSUBISHI CANTER အမျိုးအစား(၆)ဘီးယာဉ်သည် အရှိန်မထိန်းနိုင်ဘဲ လမ်းယာဘက်တွင် ရပ်ထားသော HINO(၂၂)ဘီး ကုန်တင်ယာဉ်အား ဝင်တိုက်မိခြင်းဖြစ်သည်ဟု သိရသည်။

ယာဉ်တိုက်မှုကြောင့် ယာဉ်ပေါ်ပါ ယာဉ်‌မောင်းအပါအဝင် အမျိုးသား(၄)ဦးနှင့် အမျိုးသမီး(၆)ဦးတို့ (မစိုးရိမ်ရ)ဒဏ်ရာရရှိပြီး အမျိုးသမီး(၃)ဦး သေဆုံးသည်ဟု သိရသည်။ 

၎င်းတို့အား ရွှေညောင်မြို့ မဟာဝီရ ရက္ခိတ လူမှုကူညီရေးအသင်း လူနာတင်ယာဉ်ဖြင့် တောင်ကြီးမြို့ စဝ်စံထွန်းပြည်သူ့ဆေးရုံသို့ ပို့ဆောင်ပေးထား ကြောင်း သိရသည်။

#TachileikNewsAgency