ရှမ်းပြည်နယ်အရှေ့ပိုင်း၊ တာချီလိတ်မြို့၊ ဆေခမ်း(ဟောင်လိတ်)ရပ်ကွက်အတွင်း တာချီလိတ် - ကျိုင်းတုံလမ်းပေါ်တွင် (၁၂)ဘီးယာဉ်တစ်စီး မောင်းနေစဉ် မီးလောင်မှု ဖြစ်ပွားခဲ့ကြောင်း သိရသည်။

(၁၂)ဘီးယာဉ် မီးလောင်မှုမှာ ယနေ့ ၂၀၂၄ခုနှစ် ဩဂုတ်လ(၂၀)ရက်နေ့ နံနက်ပိုင်းက ဖြစ်ပွားခဲ့ခြင်းဖြစ်ပြီး ဆီတိုင်ကီပိုက် ယိုစိမ့်ရာမှ အင်ဂျင်ပေါ်သို့ ကျရောက်ကာ အပူလွန်ကဲပြီး မီးလောင်ခြင်းဖြစ်သည်ဟု တာချီလိတ်မြို့နယ်မီးသတ်တပ်ဖွဲ့၏ စစ်ဆေးတွေ့ရှိချက်အရ သိရသည်။

အဆိုပါ ယာဉ်မီးလောင်မှုဖြစ်ပွားချိန်တွင်  ယာဉ်မောင်းမှာ ထွက်ပြေးတိမ်းရှောင်သွားကြောင်း သိရသည်။

မီးလောင်မှုဖြစ်ပွားရာသို့ တာချီလိတ်မြို့နယ်မီးသတ်တပ်ဖွဲ့နှင့် လှမိုး (တာချီလိတ်)လူမှုကူညီရေးအသင်းတို့ သွားရောက်ကာ ပူးပေါင်း မီးငြိမ်းသတ်ခဲ့ကြကြောင်း သိရသည်။

 

Photo: ဦးလှမိုး (တာချီလိတ်)လူမှုကူညီရေးအသင်း