ရန်ကုန်တိုင်း မှော်ဘီမြို့နယ်အခြေစိုက် ရဲတပ်ရင်း(၅)မှ ရဲတပ်ဖွဲ့ဝင်တစ်ဦး တောင်သာမြို့နယ် ပြည်သူ့ကာကွယ်ရေးအဖွဲ့ထံ ၂၀၂၄ခုနှစ် ဩဂုတ်လ (၁၇)ရက်နေ့က အလင်းဝင်လာကြောင်း အဆိုပါတပ်ဖွဲ့ထံမှ သိရသည်။
“အခုသူ ရုန်းလို့ရတဲ့အခြေအနေကြောင့်ပေါ့။ မိသားစုလုံခြုံရေး၊ သူ့လုံခြုံရေးအဲဒါတွေ ပြည့်စုံလာတဲ့အခါ သူဒီဘက်ကို ရုန်းထွက်လာတာပါ။ စစ်ကောင်စီတပ်က တောင်သာကို လွန်ခဲ့တဲ့ (၃)လလောက်ကတည်းက အင်အားဖြည့်ထားချိန် သူလည်းရောက်နေတာပါ။”ဟု တောင်သာမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူတစ်ဦး က Tachileik News Agency ကိုပြောသည်။
ရဲတပ်သား မျိုးချစ်သူ ဆိုသူသည် တောင်သာမြို့နယ် ပြည်သူ့ကာကွယ်ရေးအဖွဲ့ထံသို့ G-3 အမျိုးအစားတစ်လက်၊ ကျည်(၁၅၀)တောင့်၊ လက်ပစ်ဗုံး(၁)လုံးနှင့်အတူ ပြည်သူ့ရင်ခွင်ခိုလှုံလာသဖြင့် ဂုဏ်ပြုငွေသိန်း(၅၀)ကျပ် ကို ချီးမြင့်ထားကြောင်း သိရသည်။
#TachileikNewsAgency
Photo: တောင်သာမြို့နယ် ပြည်သူ့ကာကွယ်ရေးအဖွဲ့
