မကွေးတိုင်း၊ ဂန့်ဂေါခရိုင်၊ ဆောမြို့နယ်မြို့မရဲစခန်းမှ စစ်ကောင်စီတပ်သားတစ်ဦးနှင့် ကပစ(၂၅)မှ စစ်ကောင်စီ တပ်ကြပ်တစ်ဦးတို့ လက်နက်ခဲယမ်းများနှင့်အတူ အလင်းဝင်လာကြောင်း အမှတ်(၁)စစ်ဒေသ၊ ဂန့်ဂေါခရိုင် အမှတ်(၃) တပ်ရင်းထံမှ သိရသည်။
မတ်လ(၁၁)ရက်နေ့တွင် ဆောမြို့နယ်မြို့မရဲစခန်းမှ စစ်ကောင်စီတပ်သားတစ်ဦးသည် အမှတ်(၁)စစ်ဒေသ၊ ဂန့်ဂေါခရိုင် အမှတ်(၃)တပ်ရင်းထံသို့ စက်ကလေးခေါ် MA-2 တစ်လက်နှင့် ခဲယမ်းအပြည့်အစုံဖြင့် အလင်းဝင်လာခဲ့ကြောင်း သိရသည်။
ထို့အပြင် မတ်လ(၁၅)ရက်နေ့တွင် ကပစ(၂၅)မှ တပ်ကြပ်အဆင့်ရှိသော စစ်ကောင်စီတပ်သားတစ်ဦးသည် လက်နက်ခဲယမ်းအပြည့်အစုံဖြင့် ဂန့်ဂေါခရိုင် အမှတ်(၃)တပ်ရင်းထံ ထပ်မံအလင်းဝင်ရောက်ခဲ့သည်ဟု သိရသည်။
ယခုကဲ့သို့ စစ်ကောင်စီတပ်ကို စွန့်ခွာ၍ ပြည်သူ့ရင်ခွင်ခိုလှုံပြီး အလင်းဝင်ရောက် ပူးပေါင်းပါက ယူဆောင်ခဲ့သော လက်နက်အမျိုးအစားပေါ်မူတည်ပြီး ထိုက်ထိုက်တန်တန် ဆုချီးမြှင့်သွားမည်ဖြစ်ကြောင်း ဂန့်ဂေါခရိုင်အမှတ်(၃) တပ်ရင်းက သတင်းထုတ်ပြန်ထားသည်။
#TachileikNewsAgency
Photo: ဂန့်ဂေါခရိုင်အမှတ် - ၃ တပ်ရင်း People Defence Force -SAW
