ကြာအင်းဆိပ်ကြီးတွင် လမ်းပိုင်းစစ်ဆေးရေးလုပ်ပြီးနောက် စစ်ကောင်စီတပ်စစ်ဆေးရေးဂိတ်ကို တော်လှန်ရေးတပ်က ဒရုန်းဖြင့် ဗုံးသီးချတိုက်ခိုက်
ကရင်ပြည်နယ် ကြာအင်းဆိပ်ကြီးမြို့နယ် ဘုရားသုံးဆူလမ်း၀ သက္ကော့ဂိတ်အား ယနေ့ ၂၀၂၃ခုနှစ် ဒီဇင်ဘာလ (၁၂)ရက်နေ့တွင် ဒရုန်းဖြင့် ဗုံးသီးချ တိုက်ခိုက်ခဲ့ကြောင်း တောင်ညိုစစ်ကြောင်း တပ်ခွဲ(၁)ထံမှ သိရသည်။
တောင်ညိုစစ်ကြောင်း တပ်ခွဲ(၁) ရဲဘော်များသည် ယနေ့နံနက်ပိုင်းတွင် ခရီးသွားပြည်သူများ လုံခြုံရေးအတွက် ယာဉ်စစ်ဆေးမှုများ ပြုလုပ်ခဲ့ပြီး ခရီးသွားပြည်သူများနှင့် ကားဆရာများအား အာဏာသိမ်းစစ်ကောင်စီနှင့်ပတ်သက်သော အရာများအား မသယ်ဆောင်လာကြရန် မေတ္တာရပ်ခံခဲ့ပြီးနောက် အဆိုပါစစ်ဆေးရေးဂိတ်ကို ဒရုန်းဖြင့် ဗုံးသီးချ တိုက်ခိုက်ခဲ့ခြင်းဖြစ်ကြောင်း သိရသည်။
လက်ရှိတွင် စစ်ကောင်စီတပ်များသည် အမှတ်(၈) ပြည်ထောင်စုလမ်းမပေါ်၌ သွားလာခြင်းမရှိတော့ကြောင်း သိရသည်။
#TachileikNewsAgency
Photo: Taung Nyo Column - P29906
