စစ်ကိုင်းတိုင်း ဝက်လက်မြို့နယ်၊ လှတောကျေးရွာမှ ထွက်လာသည့် စစ်ကောင်စီတပ်စစ်ကြောင်းကို ယမန်နေ့ ၂၀၂၃ခုနှစ် နိုဝင်ဘာလ (၂၉)ရက်နေ့တွင် ပြည်သူ့ကာကွယ်ရေးတပ်များက တိုက်ခိုက်ခဲ့ကြောင်း သိရသည်။

စိုင်နိုင်ကွေ့မှတဆင့် ရွှေဘိုမြို့ဘက်သို့ပြန်အလာ ဇီးတောကျေးရွာနှင့် ရွာသစ်ကျေးရွာအနီး၌ ၎င်းစစ်ကောင်စီတပ်ကို ပြည့်သူ့ကာကွယ်ရေးတပ်ဖွဲ့များက ကြားဖြတ်တိုက်ခိုက်ခဲ့ခြင်းဖြစ်ကြောင်း သိရသည်။

တိုက်ခိုက်မှုအတွင်း စစ်ကောင်စီတပ်ဘက်က ဗိုလ်ကြီးတစ်ဦး သေဆုံးခဲ့ပြီး (၁၅)ဦးခန့် ဒဏ်ရာရကြောင်း  SNAKE EYES - PDFက ယနေ့ နိုဝင်ဘာလ (၃၀)ရက်နေ့တွင် သတင်းထုတ်ပြန်ထားသော်လည်း Tachileik News Agencyအနေဖြင့် အတည်မပြုနိုင်ပါ။

အဆိုပါ တိုက်ခိုက်မှုကို Snake Eyes PDF(B4/C3) Shwebo Federal Army(SBFA)၊  War Lord Defence Force(B4/C2)၊ Guardian Force PDF(B4/C1)တို့က ပူးပေါင်းပြီး လုပ်ဆောင်ခဲ့ခြင်းဖြစ်ကြောင်း သိရသည်။

#TachileikNewsAgency