ကရင်ပြည်နယ် မြဝတီမြို့နယ်ရှိ လက်ခတ်တောင်ကို စစ်ကောင်စီတပ်က ယနေ့ ၂၀၂၃ခုနှစ် ဩဂုတ်လ (၁၈)ရက်နေ့ နေ့လယ်ပိုင်းက တိုက်လေယာဉ်ဖြင့် ဗုံးကြဲတိုက်ခိုက်ခဲ့ရာ သာသနိကအဆောက်အဦးများ ပျက်စီးခဲ့ကြောင်း Cobra စစ်ကြောင်းက သတင်းထုတ်ပြန်သည်။

စစ်ကောင်စီတပ်၏ နေပြည်တော်လေတပ်မှ Yak-130 (Jet-Fighter) လေယာဉ်(၂)စီးဖြင့် (၃)ကြိမ်လာရောက်ပြီး တော်လှန်ရေးတပ်များ နယ်မြေလုံခြုံရေးယူထားသော လက်ခတ်တောင် နေရာတဝိုက်ကို ဗုံးကြဲတိုက်ခိုက်ခဲ့ခြင်းဖြစ်ကြောင်း သိရသည်။

ထို့နောက် စစ်ကောင်စီတပ်များနှင့် ပစ်ခတ်မှုဖြစ်ကာ တော်လှန်ရေးတပ်ဖွဲ့က စနိုက်ပါဖြင့် ပြန်လည်ပစ်ခတ်ရာ စစ်ကောင်စီတပ်သားတစ်ဦး သေကြောင်း သတင်းထုတ်ပြန်ထားသည်။

#TachileikNewsAgency

Photo : Cobra Column