ကျိုက်ထိုမြို့နယ်အတွင်းရှိ ကင်မွန်းချောင်းနယ်မြေရဲစခန်း ဒရုန်းဖြင့် တိုက်ခိုက်ခံရပြီး မီးလောင်နေ
မွန်ပြည်နယ်၊ ကျိုက်ထိုမြို့နယ်အတွင်း ကင်မွန်းချောင်းနယ်မြေရဲစခန်း ၂၀၂၃ခုနှစ်၊ ဧပြီလ (၂၇)ရက်နေ့၏ ညနေပိုင်းတွင် တိုက်ခိုက်ခံရပြီး စခန်း မီးလောင်နေကြောင်း သိရသည်။
ကျိုက်ထိုပြည်သူ့ကာကွယ်ရေးပူးပေါင်းအဖွဲ့မှ ဒရုန်းဖြင့် ပစ်ခတ်ခဲ့ရာ စခန်းအတွင်းသို့ ကျရောက်ခဲ့ပြီး စခန်းအတွင်းရှိ အဆောက်အဦးအများစု မီးလောင်နေကြောင်း Kyaikhto Information Team က ဖော်ပြထားသည်။
ကင်မွန်းချောင်းနယ်မြေရဲစခန်း လက်နက်ကြီးဖြင့် ပစ်ခတ်ခံရပြီးနောက် စခန်းအတွင်းမှ လက်နက်ကြီး (၅)လုံးထက် မနည်းအပြင် လက်နက်ငယ်များဖြင့်ပါ ပြန်လည် ပစ်ခတ်ခဲ့ကြောင်း သိရသည်။
ကင်မွန်းချောင်းနယ်မြေရဲစခန်းသည် ကျိုက်ထီးရိုးဘုရားတောင်ခြေတွင်ရှိပြီး တိုက်ခိုက်ခံရမှုကြောင့် ထိခိုက်သေဆုံးသူရှိ၊ မရှိ မသိရသေးပေ။
