စစ်ကိုင်းတိုင်း၊ ဝက်လက်မြို့နယ်နှင့် ရွှေဘိုမြို့နယ်တို့ကို စစ်ကြောင်းထိုး၍ မီးရှို့ဖျက်ဆီးနေသည့် အာဏာသိမ်း စစ်ကောင်စီတပ်နှင့် ပျုစောထီးများကို ဒေသကာကွယ်ရေးတပ်က (၂)ရက်ကြာ တိုက်ခိုက်ခဲ့ကြောင်း သပြေညို-ပြည်သူ့ကာကွယ်ရေးအဖွဲ့ထံမှ သိရသည်။

အင်အား(၈၀)ဝန်းကျင်ပါသည့် စစ်ကောင်စီတပ်နှင့် ပျူစောထီးများကို ၂၀၂၃ခုနှစ်၊ ဧပြီလ (၃)ရက်နေ့က ဝက်လက်မြို့နယ်၊ ရင်းတောကျေးရွာအတွင်း ဝင်ရောက်နေစဥ် Droneဖြင့် ဗုံးသီး (၈)လုံးချကာ တိုက်ခိုက်ခဲ့ကြောင်း သိရသည်။

ဧပြီလ (၄)ရက်နေ့တွင်လည်း ရွှေဘိုမြို့မှ ပလိုင်းရွာသို့ ထောက်ပို့လာသော စစ်ကောင်စီတပ်နှင့် ပျူစောထီးများကို ချီပါရွာနှင့် မဲတောရွာကြားတွင် Drone ဖြင့် ဗုံးသီး ( ၂ )လုံးချ တိုက်ခိုက်ခဲ့ကြောင်း သိရသည်။

အဆိုပါ တိုက်ခိုက်မှုများကြောင့် စစ်ကောင်စီတပ်သားများ ထိခိုက်သေဆုံးသူရှိပြီး တိုက်ခိုက်မှုကို သပြေညို-ပြည်သူ့ကာကွယ်ရေးအဖွဲ့(LPDF)၊ SBDF-B4/C3(SNAKE EYES PDF)၊ C&T(SHWEBO)၊ God Of Satans-GOS နှင့် တိုက်နယ်(၂) ပြည်သူ့ကာကွယ်ရေးရဲဘော်များမှ ပူးပေါင်း တိုက်ခိုက်ခြင်း ဖြစ်ကြောင်း သိရသည်။