ဓါတ်ပုံ - ဦးလှမိုး(တာချီလိတ်)လူမှုကူညီရေးအသင်း
တာချီလိတ်မြို့ရှိ နေအိမ်တိုက်ခန်းငှား (၃)ထပ်တိုက်ပေါ်က အမျိုးသားတစ်ဦး ပြုတ်ကျ
ရှမ်းပြည်နယ်အရှေ့ပိုင်း၊ တာချီလိတ်မြို့၊ ဝိန်းကျောက်ရပ်ကွက်အတွင်း တော်ကော့(ပြင်)ရှိ နေအိမ်အခန်းငှား (၃)ထပ်တိုက်ပေါ်က အမျိုးသားတစ်ဦး ပြုတ်ကျမှု ဖြစ်ပွားကြောင်း သိရသည်။
အသက်(၂၀)ကျော်ရှိ အမျိုးသားတစ်ဦးသည် အဆိုပါ နေအိမ်အခန်းငှား၏ (၃)ထပ်တိုက်ပေါ်ကနေ ယနေ့ ၂၀၂၃ခုနှစ် ဇန်နဝါရီလ(၆)ရက်နေ့အကူး နံနက် (၂)နာရီကျော်အချိန်က ပြုတ်ကျခြင်းဖြစ်ကြောင်း သိရသည်။
တိုက်ပေါ်က ပြုတ်ကျမှုကြောင့် ဦးခေါင်းနှင့်မေးရိုး ထိခိုက်ဒဏ်ရာရရှိသည့်အတွက် ဦးလှမိုး(တာချီလိတ်)လူမှုကူညီရေးအသင်းက တာချီလိတ်ဆေးရုံကြီးသို့ အချိန်မီ အရေးပေါ်ကူညီပို့ဆောင်ပေးထားကြောင်း သိရသည်။
