ရှမ်းပြည်နယ်အရှေ့ပိုင်းဒေသ၊ တာချီလိတ်မြို့တွင် ယနေ့ စက်တင်ဘာလ(၂၁)ရက်နေ့ နံနက်ပိုင်းက အမျိုးသား(၂)ဦးတွင် Covid-19 တွေ့ရှိရပြီးနောက် ညနေပိုင်းတွင် အသက်(၉၀)ကျော်အရွယ် အမျိုးသမီးကြီးတစ်ဦးထံက Covid-19 ထပ်မံ တွေ့ရှိရကြောင်း သိရသည်။

ညနေပိုင်းတွင် တွေ့ရသည့် လူနာမှာ အသက်(၉၀)ကျော် အမျိုးသမီးတစ်ဦးဖြစ်ပြီး ၎င်းသည် တာချီလိတ်မြို့ ဖန်မင်ကျေးရွာအုပ်စုအတွင်း မယ်ယန်းကျေးရွာတွင် နေထိုင်သူဖြစ်ရာ  မိသားစုဝင်များကို နေအိမ်တွင် အသွားအလာ ကန့်သတ်ထားရှိကြောင်း သိရသည်။

ပိုးတွေ့သည့် နေအိမ်သို့ ရွှေမယ်ယန်းပရဟိတ အဖွဲ့  နှင့် သက်ဆိုင်ရာများက သွားရောက်ပြီး အသွားအလာကန့်သတ်မှုများ ဆောင်ရွက်နေကြောင်း သိရသည်။

တာချီလိတ်မြို့တွင် ယနေ့ နံနက်ပိုင်းက လေယာဉ်စီးခရီးသွားရန်အတွက် Covid-19 စစ်ဆေးရာ အမျိုးသား(၂)ဦးတွင် Covid-19 ပိုးတွေ့ရှိရခြင်းဖြစ်ပြီး ၎င်းတို့သည် တာချီလိတ်မြို့ ဝိန်းကျောက်ရပ်ကွက်အတွင်း အာခါဈေးလမ်းအနီးရှိ အိမ်ခန်းငှားတွင် နေထိုင်ကြသူများဖြစ်သည်။

တာချီလိတ်မြို့တွင် ယနေ့ စက်တင်ဘာလ(၂၁)ရက်နေ့ တနေ့တည်းတွင် Covid-19 ကူးစက်ခံထားရသူ (၃)ဦး တွေ့ရှိရကြောင်း သိရသည်။

 

Photo: ရွှေမယ်ယန်းပရဟိတ