စစ်ကိုင်းတိုင်း၊ မင်းကင်းမြို့နယ်အတွင်း တောင်တွင်းချောင်ကျော်ရွာတွင် တပ်စွဲထားသည့် အာဏာသိမ်းစစ်ကောင်စီတပ်ကို ၂၀၂၂ ခုနှစ်၊ မတ်လ(၂၃) ရက်နေ့ နံနက်ပိုင်းက ပြည်သူ့ကာကွယ်ရေးတပ်များပူးပေါင်း၍ ဝင်ရောက်တိုက်ခိုက်ရာ အာဏာသိမ်းတပ်မှ သေဆုံးမှုများရှိသည်ဟု သိရသည်။ 

ပြည်သူ့ကာကွယ်ရေးတပ်ဖွဲ့များဖြစ်ကြသည့် KLG PDF၊ ရွှေသမင်မုဆိုး PDF၊ ရွှေတြိဂံ PDF ကနီတပ်ရင်း(၂)နှင့် ဒေသခံမဟာမိတ်များ ပူးပေါင်းတိုက်ခိုက်မှုအတွင်း အာဏာသိမ်းတပ်မှ (၁၀) ဦး သေသည်ဟု ကနီ PDF က ထုတ်ပြန်ထားသည်ကို တွေ့ရပြီး အရေအတွက်နှင့်ပတ်သက်၍ Tachileik News Agency အနေဖြင့် သီးခြားအတည်ပြုထားနိုင်ခြင်းမရှိပါ။

အဆိုပါ တိုက်ပွဲမှာ နံနက်(၅)နာရီခွဲမှ (၇)နာရီခွဲအထိကြာမြင့်ခဲ့ကာ ပြည်သူ့ကာကွယ်ရေးပူးပေါင်းအဖွဲ့ဘက်မှ ရဲဘော်(၃)ဦးဒဏ်ရာရရှိခဲ့ပြီး အခြေအနေမစိုးရိမ်ရကြောင်း သိရသည်။