ကယားပြည်နယ်၊ လွိုင်ကော်မြို့အတွင်း ယနေ့ မေလ (၂၂)ရက်နေ့ နေ့လည်ပိုင်းတွင် အာဏာသိမ်းအဖွဲ့၏ အကြမ်းဖက်လက်နက်ကိုင်များမှ လက်နက်အပြည့်အစုံဖြင့် လမ်းလျှောက် လှည့်လည်နေကြောင်းသိရသည်။
ကားနဲ့မဟုတ်ဘဲ လမ်းလျှောက်သွားနေကြတယ်။ အင်းအားများတယ်။ လက်နက်အပြည့်အစုံနဲ့ ။ နာရီစင် ကနေ အောက်ဖက်ကို တောက်လျှောက်သွားနေတယ်။
မျက်မြင်တွေ့ရှိသူ ဒေသတစ်ဦးက တာချီလိတ်သတင်းအေဂျင်စီသို့ ပြောသည်။
အာဏာသိမ်းအဖွဲ့၏ လက်နက်ကိုင်များမှ လွိုင်ကော်မြို့ ဒေသကွပ်ကဲရေးစစ်ဌာနချုပ် (ဒ.က.စ) ဖက်မှ နာရီစင် လမ်းမကြီးတစ်လျှောက် ရှမ်းပိုင်းဖက်သို့ လက်နက်အပြည့်အစုံဖြင့် ခြေလျင်လျှောက်ကာ အဖွဲ့များ ခွဲ၍ သွားလာနေပြီး မြို့နေလူထု အချို့မှလည်း စိုးရိမ်လျှက်ရှိသည်။
လွိုင်ကော်မြို့တွင် မေလ (၂၁)ရက်နေ့ ညပိုင်းကလည်း ရပ်ကွက်များတွင်း ဗုံးပေါက်ကွဲသံများ ထွက်ပေါ်ခဲ့သလို ယနေ့ မေလ (၂၂)ရက်နေ့ နံနက်ပိုင်းကလည်း ဗုံးပေါက်ကွဲမှု အသံအချို့ ထပ်မံကြားရကြောင်းသိရသည်။
Photo: CJ
