ရှမ်းပြည်နယ်အရှေ့ပိုင်းဒေသ တာချီလိတ်မြို့သည် မြန်မာ - ထိုင်း - လာအို သုံးနိုင်ငံ ထိစပ်နေလျက်ရှိသည့် နယ်စပ်မြို့လေး တစ်မြို့ဖြစ်ပြီး တာချီလိတ်မြို့တွင် နှစ်စဉ်လိုလိုပင် သဘာဝဘေးအန္တရာယ် နှစ်မျိုးနှစ်စားမှာ မခေါ်လည်းဘဲ ရောက်လာသည့် ဧည့်သည်လိုလို ဖြစ်နေပါတော့သည်။
တာချီလိတ်မြို့တွင် နွေ၊ မိုး၊ ဆောင်း ဥတု သုံးပါးအနက် ဆောင်းရာသီတွင် ဘာမှ မဖြစ်သော်လည်း နွေရာသီတွင် တောမီးရှို့မှုများကြောင့် မီးခိုးများ မြို့ပေါ်အတွင်း ဖုံးလွှမ်းစေပြီး မိုးရာသီများတွင် ရေကြီး ရေလျှံမှုများကြောင့် ပျက်စီဆုံးရှုံးမှုများ နှစ်စဉ်လိုလို ဖြစ်နေလေ့ရှိသည်မှာ တာချီလိတ်မြို့၏ ရှောင်လွှဲမရသော ဘေးဒုက္ခနှစ်ရပ်ပင် ဖြစ်လေသည်။
မီးခိုးများနဲ့ တာချီလိတ်
တာချီလိတ်မြို့တွင် မီးခိုးများဖုံးလွှမ်းမှုအဖြစ် သိသိသာသာ ဖြစ်ပေါ်ခဲ့သည်မှာ ၂၀၁၃ခုနှစ် ဧပြီလက ဖြစ်ပေါ်ခဲ့ပြီး ၂၀၁၄ခုနှစ်တွင် မတ်လ(၁၉)ရက်နေ့မှ ဧပြီလ ပထမအပတ်ထိ မီးခိုးများ ဖုံးလွှမ်းခဲ့ပြီး
