တူးမြောင်းတွေနဲ့ လှပတဲ့ ဗင်းနစ်မြို့လို လှပတဲ့ ကျေးရွာလေးတစ်ရွာကို နယ်သာလန်နိုင်ငံမှာ တွေ့နိုင်ပါတယ်။ ဒီရွာလေးမှာ တူးမြောင်းတွေကနေ လှေတွေနဲ့ပဲသွားကြပြီး တခြားကားလမ်းတွေလည်း မရှိပါဘူး။ အထပ်မြင့်အိမ်တွေလည်း မရှိတဲ့ဒီရွာလေးမှာ အကယ်၍ တူးမြောင်းကို ဖြတ်သန်းဖို့ဆိုရင် သစ်သားတံတားတွေကနေ သွားလာကြပါတယ်။ စာပို့သမားကလည်း လှေနဲ့စာလိုက်ပို့ပေးတာဖြစ်ပါတယ်။
ဒီဒေသမှာ အခြေချနေထိုင်သူ (၂၆၀၀)လောက်ရှိပြီး ဆောင်းရာသီမှာဆိုရင်တော့ ရေလမ်းကြောင်းအတိုင်း ရေခဲပြင်စကိတ်လည်း စီးလို့ရပါတယ်။
အံ့သြစရာကောင်းလှတဲ့ ဒီရွာလေးထဲက လေးမိုင်လောက်ရှည်တဲ့ တူးမြောင်းဟာ ၁၈ ရာစုလောက်မှာ ဒီဒေသမှာ အခြေချချင်ကြတဲ့ ခရီးသွားတွေက စတင်ဖေါက်လုပ်ခဲ့တာလို့ သိရပါတယ်။
သူတို့တွေဟာ ဒေသတွင်း ဆူညံသံတွေကင်းစေဖို့ ကားလမ်းတွေမရှိစေဘဲ လမ်းလျှောက်တာ၊ စက်ဘီးနဲ့သွားလာတာ ဒါမှမဟုတ် လှေငယ်လေးတွေနဲ့ပဲ သွားလာနိုင်အောင် လုပ်ဆောင်ခဲ့ကြတာပါ။ ဒေသတွင်းက လူတွေကတော့ နယ်သာလန်ရဲ့ ဗင်းနစ်လို့ ဒီဒေသလေးကို အမည်ပေးထားကြပါတယ်။
အိုဗာရီဂျက်ဆဲလ်ပြည်နယ်အတွင်းမှာ တည်ရှိတဲ့ ဒီဒေသကို AD ၁၂၃၀ လောက်က မြေထဲပင်လယ်ဒေသကလာတဲ့ ဒေသခံတွေက ရှာဖွေတွေ့ရှိခဲ့တာပါ။ ဒီနောက်မှာတော့ ဒေသတွင်း ဆက်သွယ်ရေးအတွက် တူးမြောင်းကို ဘုန်းတော်ကြီးတွေက ဦးစီးဆောင်ရွက်ခဲ့တာဖြစ်ပါတယ်။