မြန်မာနိုင်ငံလုံးဆိုင်ရာ ရှမ်းလူငယ်များ တွေ့ဆုံနှီးနှောဖလှယ်ပွဲ တတိယအကြိမ်အား ဒီဇင်ဘာလ (၂၇)ရက်နေ့မှစ၍ သုံးရက်တာကျင်းပမည်ဖြစ်ပြီး မူးယစ်ဆေးဝါးပြဿနာ၊ လူ့အခွင့်အရေးနှင့် နိုင်ငံရေးဆွေးနွေးပွဲခေါင်းစဉ်များကို ဦးစားပေးဆွေးနွေးကြမည်ဖြစ်ကြောင်း သိရသည်။
“အများအားဖြင့်တော့ လူငယ်တွေကြားက မူးယစ်ဆေးဝါးပြဿနာ၊ လူ့အခွင့်အရေးနဲ့ နိုင်ငံရေးဆွေးနွေးပွဲ တွေမှာ ကျွန်တော်တို့လည်း ပါဝင်မှာဖြစ်တဲ့အတွက် ဒါတွေကိုတော့ အဓိကထည့်သွင်းဆွေးနွေးသွားမှာ ဖြစ်ပါတယ်”ဟု မြန်မာနိုင်ငံလုံးဆိုင်ရာ ရှမ်းလူငယ်ကွန်ရက် ဦးဆောင်ကော်မတီဝင်တစ်ဦးဖြစ်သည့် စိုင်းနော်ဆိုင်က တာချီလိတ်သတင်းအေဂျင်စီသို့ ပြောသည်။
နှစ်နှစ်တစ်ကြိမ်ကျင်းပသည့် မြန်မာနိုင်ငံလုံးဆိုင်ရာ ရှမ်းလူငယ်များ တွေ့ဆုံနှီးနှောဖလှယ်ပွဲအား ၂၀၁၇ ခုနှစ်တွင် ပဲခူးတိုင်းဒေသကြီး၊ ကျောက်တံခါးမြို့နယ်၊ အောင်မြင်(တောကျွဲအင်း)မြို့၊ သပြေတန်းရှမ်းရွာတွင် ဒီဇင်ဘာလ (၂၇)ရက်နေ့မှ (၂၉)ရက်နေ့အထိ ကျင်းပမည်ဖြစ်ပြီး လူငယ် (၅၀၀)အထိ ဖိတ်ကြားထားကြောင်း သိရသည်။
“ ရှမ်းပြည်နယ်တွင်း မြို့နယ်တိုင်းနဲ့ ရှမ်းလူမျိုးများနေထိုင်တဲ့ အခြားဒေသတွေမှာလည်း ဖိတ်ခေါ်ထားပါတယ်။ ရှမ်းပြည်နယ်အတွင်း မြို့နယ်တွေမှာတော့ တစ်မြို့နယ်ကို သုံးဦးနှုန်းနဲ့ ဖိတ်ထားပြီး အခြားပြည်နယ်နဲ့ တိုင်းဒေသကြီးတွေမှာတော့ တိုင်း/ပြည်နယ် ကိုယ်စားပြုအနေနဲ့ ဖိတ်ထားပါတယ်။ လေ့လာချင်တဲ့ လူငယ်တွေလည်း ခွင့်ပြုထားတာကြောင့် ဖိတ်ထားတဲ့ဦးရေထက်ပိုတက်လည်း ရပါတယ်”ဟု မြန်မာနိုင်ငံလုံးဆိုင်ရာ ရှမ်းလူငယ်ကွန်ရက် ဦးဆောင်ကော်မတီဝင်တစ်ဦးဖြစ်သည့် စိုင်းနော်ဆိုင်က တာချီလိတ်သတင်းအေဂျင်စီသို့ ပြောသည်။
အဆိုပါ နှီးနှောဖလှယ်ပွဲတွင် ရှမ်းလူမျိုးများနေထိုင်ရာ ဒေသတိုင်းမှ လူငယ်ကိုယ်စားလှယ်များအား ဖိတ်ကြားနိုင်ရေးအတွက် ရှမ်းလူငယ်အဖွဲ့အစည်းများ၊ ရှမ်းစာပေနှင့် ယဉ်ကျေးမှုအဖွဲ့များမှတစ်ဆင့် ချိတ်ဆက်ဖိတ်ကြားထားကြောင်း သိရသည်။
ရှမ်းလူငယ်များအချင်းချင်း ချစ်ခင်ရင်းနှီးကျွမ်းဝင်မှုရှိလာစေရန်၊ ပိုမိုကျယ်ပြန့်သော ကွန်ရက်များ ချိတ်ဆက်နိုင်စေရန်၊ လူငယ်များ ရင်ဆိုင်နေရသည့် စိန်ခေါ်မှုပြဿနာများအား ဖြေရှင်းရန်၊ လူငယ်များ၏ ဘဝရှေ့ရေးပိုမိုဖွံ့ဖြိုးတိုးတက်လာမှုစီမံကိန်းများ ပူးပေါင်းရေးဆွဲနိုင်ရန်နှင့် ဦးဆောင်ကော်မတီများ ပြန်လည်ရွေးချယ်ရေးအတွက် အဆိုပါ နှီးနှောဖလှယ်ပွဲအား ကျင်းပခြင်းဖြစ်ကြောင်း သိရသည်။
ဦးဆောင်ကော်မတီဝင်ဦးရေမှာ ကိုယ်စားပြုတက်ရောက်သည့် ဒေသအလိုက်ရွေးချယ်မည်ဖြစ်ပြီး ဒုတိယအကြိမ် နှီးနှောဖလှယ်ပွဲသို့ ဖိတ်ကြားထားသည့် အချို့ဒေသများမှ တက်ရောက်လာခြင်းမရှိသဖြင့် ယခုနှစ်တွင် ပိုမိုတက်ရောက်လာရန် မျှော်လင့်ထားကြောင်း ဦးဆောင်ကော်မတီထံမှ သိရသည်။
ပဲခူးတိုင်းဒေသကြီးတွင် တက်ရောက်မည့် အနယ်နယ်အရပ်ရပ်မှ လူငယ်ကိုယ်စားလှယ်များအနေဖြင့် ခရီးစရိတ်ကို မိမိအစီအစဉ်ဖြင့် လာရောက်ရမည်ဖြစ်ပြီး တွေ့ဆုံနှီးနှောဖလှယ်ပွဲတက်ရောက်မည့်ကာလအတွင်း နေထိုင်စားသောက်မှုအား စီစဉ်ပေးထားမည်ဖြစ်ကြောင်း သိရသည်။
