ကိုဇက်- Tachileik News Agency
တာချီလိတ်၊ ဇူလိုင်လ(၂၂)ရက်
ထိုင်းနိုင်ငံသို့ ၂၀၁၆-၂၀၁၇ ဘဏ္ဍာနှစ်၏ ပထမ(၃)လအတွင်း ရှမ်းပြည်နယ်အတွင်းမှ ထွက်ရှိသော ကြက်သွန်ဖြူ တန်ချိန်(၁၀၀၀)ကျော်တင်ပို့နိုင်ခဲ့ကြောင်း တာချီလိတ်နယ်စပ်ကုန်သွယ်ရေးစခန်း၏ စာရင်းများအရ သိရပါတယ်။
"ကြက်သွန်ဖြူတွေကို ပထမဆုံးလမှာ တန်ချိန်(၁၀၀)ကျော်ပဲ တင်ပို့နိုင်ခဲ့တယ်။ ဇွန်လထဲမှာ တန်ချိန်(၈၀၀)ကျော် အများဆုံးတင်ပို့နိုင်ခဲ့ပါတယ်။ အခုပို့ရာသီမှာ ပို့ကုန်အများဆုံးလို့ပြောလို့ရတယ်"လို့ တာချီလိတ်နယ်စပ်ကုန်သွယ်ရေးစခန်းမှ ညွှန်ကြားရေးမှူး ဦးစိုးလွင်က ပြောပါတယ်။
ထိုင်းနိုင်ငံသို့ ကြက်သွန်ဖြူတင်ပို့နိုင်မှုအခြေအနေမှာ ဧပြီလအတွင်း တန်ချိန်(၁၀၀) တန်ဖိုး အမေရိကန်ဒေါ်လာ(၀.၀၁၂)သန်း၊ မေလအတွင်း တန်ချိန်(၁၀၆.၅) တန်ဖိုး အမေရိကန်ဒေါ်လာ (၀.၁၃)သန်းနှင့် ဇွန်လအတွင်း တန်ချိန်(၈၁၈.၅)တန်ဖိုး အမေရိကန်ဒေါ်လာ သန်းပေါင်း(၁.၁၇၃) တင်ပို့နိုင်ခဲ့သဖြင့် (၃)လအတွင်း ကြက်သွန်ဖြူတင်ပို့နိုင်ခဲ့မှုမှာ တန်ချိန်(၁၀၂၅) အမေရိကန်ဒေါ်လာ (၁.၄၂၃)သန်းတင်ပို့နိုင်ခဲ့ကြောင်း နယ်စပ်ကုန်သွယ်ရေးစခန်း၏ စာရင်းများအရသိရပါတယ်။
တာချီလိတ်နယ်စပ်ကုန်သွယ်ရေးစခန်းမှ ၂၀၁၆-၂၀၁၇ ဘဏ္ဍာနှစ်၏ ပထမ(၃)လအတွင်း မြန်မာ-ထိုင်းနှစ်နိုင်ငံကုန်သွယ်မှုမှာ အမေရိကန်ဒေါ်လာသန်းပေါင်း(၁၉.၄၈၂)သန်းရှိခဲ့ပြီး လျာထားချက်၏ (၈၁.၁၈)ရာခိုင်နှုန်းအား ကုန်သွယ်မှုပြုနိုင်ခဲ့ကြောင်း သိရပါတယ်။
