ရှမ်းပြည်နယ်(မြောက်ပိုင်း) ကျောက်မဲမြို့နယ်စည်ပင်သာယာရေးဦးစီးဌာနထံမှ ပုဂ္ဂလိက ငှားရမ်း ဖွင့်လှစ်ထားသည့် ရေကူးကန်တွင် ဇူလိုင်လ(၁၆)ရက်က လူတစ်ဦးရေနစ် သေဆုံးသွားသည့် ဖြစ်စဉ်နှင့် ပတ်သက်၍ သတ်မှတ်ထားသည့် လုံခြုံရေး စည်းကမ်းချက်များ အတိုင်း လုပ်ဆောင်ပြီးသည် အထိ ရေကူးကန်အား ယာယီ ပိတ်ထားမည်ဖြစ်ကြောင်း သိရသည်။
“အဓိက စည်းကမ်းတွေကတော့ ကန်ကို သံဇကာ ကာရံထားဖို့၊ အစောင့်ထားဖို့၊ အသက်ကယ်ဘောထားဖို့၊ ကလေးငယ်တွေကို အုပ်ထိန်းသူပါမှ ခွင့်ပြုဖို့စတဲ့ စည်းကမ်းချက်တွေ ရှိပါတယ်။ ရေကူးကန် တာဝန်ရှိသူတွေကို ခေါ်ယူပြီးတော့ သတိပေး ဆောင်ရွက်တာတွေလုပ်မှာပါ။ သောက်စားမူးယစ်ပြီး ရေကူးတာမျိုး မလုပ်ဖို့ သတိပေးစာတန်းတွေ မြင်သာတဲ့နေရာမှာ ထားရှိစေမယ်။ ရေကူးကန်မှာ အရေးပေါ် ရေထုတ်ပေါက်မရှိတာကိုလည်း ပြုလုပ်စေမှာပါ။ လိုအပ်တဲ့အချက်တွေအကုန်လုံး စုံလင်သွားတဲ့အချိန်ကျမှ ပြန်ပြီးဖွင့်ခိုင်းမှာဖြစ်ပါတယ်”ဟု ကျောက်မဲမြို့နယ်စည်ပင်သာယာရေးဦးစီးဌာနမှ လက်ထောက်ညွှန်ကြားရေးမှူး ဦးမြတ်ခန့်အေးက တာချီလိတ်သတင်းအေဂျင်စီသို့ ပြောသည်။
ကျောက်မဲမြို့ အမှတ်(၁)ရပ်ကွက် သစ်တောလမ်းရှိ M II K ရေကူးကန်နှင့် စားသောက်ဆိုင်နေရာများကို မြို့နယ်စည်ပင်သာယာရေးဦးစီးဌာနထံမှ ပုဂ္ဂလိကငှားရမ်းဖွင့်လှစ်ထားခြင်းဖြစ်ပြီး ရေကူးကန်ဖွင့်လှစ်ရန် ငှားရမ်းစဉ်က သဘောတူညီချက်များတွင် ရေကူးသူများ၏အသက်အန္တရာယ်လုံခြုံရေးအတွက် သတ်မှတ်ပေးထားသည့် စည်းကမ်းချက်များ ပါဝင်ကြောင်း သိရသည်။
“ရေကူးကန်ကတော့ စည်ပင်နယ်နိမိတ်ထဲမှာ ငှားရမ်းဖွင့်လှစ်ထားတာပါ။ ရေနစ်တဲ့ဖြစ်စဉ်မှာလည်း လုံခြုံရေး အစောင့်ထားရှိတယ်လို့ ဆိုပေမယ့် အသက်ကယ်အင်္ကျီတွေ၊ အသက်ကယ်ဘောကွင်းတွေ အရန်သင့်မရှိတာကို တွေ့ရတယ်။ ဒါကြောင့် သတိပေးစာတန်းတွေ ကပ်ထားဖို့ရယ်၊ အသက်ကယ်ပစ္စည်းတွေ အရေးပေါ်ကယ်ဆယ်ရေးအစောင့်တွေ စနစ်တကျထားရှိသွားဖို့ ရေကူးကန်တာဝန်ရှိသူတွေကို သတိပေးတာတွေလုပ်ဆောင်မှာ ဖြစ်ပါတယ်။ အဲဒါတွေပြည့်စုံတဲ့အထိ ယာယီပိတ်ထားစေမှာဖြစ်ပါတယ်” ဟု ကျောက်မဲမြို့နယ်စည်ပင်သာယာရေး ဦးစီးဌာနမှ လက်ထောက်ညွှန်ကြားရေးမှူး ဦးမြတ်ခန့်အေးက တာချီလိတ်သတင်းအေဂျင်စီသို့ ပြောသည်။
အဆိုပါရေကူးကန်တွင် ဇူလိုင်လ(၁၆)ရက်နေ့ နံနက် (၁၀)နာရီ မိနစ် (၄၀)၀န်းကျင်က ရေလာကူးသည့် အမျိုးသားနှစ်ဦးအနက် အသက် (၁၉)နှစ်အရွယ်အမျိုးသားတစ်ဦးရေနစ်ချိန်တွင် ရေကူးကန်အနီး၌ အစောင့်ဝန်ထမ်းရှိမနေဘဲ ရေနစ်ပြီးတစ်နာရီဝန်းကျင်ခန့်ကြာမှ မြို့နယ်မီးသတ်တပ်ဖွဲ့နှင့် တာဝန်ရှိသူများ လာရောက်ရှာဖွေကယ်ဆယ်မှုပြုလုပ်နိုင်ခဲ့ကြောင်း သိရသည်။
ရေကူးကန်နှင့် စည်ဘီယာစားသောက်ဆိုင်ဖွင့်လှစ်ရန်အတွက် မြို့နယ်စည်ပင်အပိုင်နေရာအား ပုဂ္ဂလိကအနေဖြင့် ငှားရမ်းအသုံးပြုထားခြင်းဖြစ်ပြီး ရေကူးကန်ဖွင့်လှစ်ရာတွင် လိုက်နာဆောင်ရွက်ရမည့် စည်းကမ်းချက်များအား ငှားရမ်းခွင့်ပြုစဉ်ကာလကတည်းက မြို့နယ်စည်ပင်မှ သတ်မှတ်ပေးထားပြီးဖြစ်ကြောင်း သိရသည်။
“ရေနစ်သေဆုံးတဲ့ဖြစ်စဉ်ကိုတော့ ဥပဒေအရ အမှုဖွင့်ထားပါတယ်။ သေဆုံးသူရဲ့မိသားစုဝင်တွေက အမှုပြန်လာ ဖွင့်တာတော့မရှိသေးပါဘူး။ သေမှုသေခင်းအနေနဲ့ အမှုဖွင့်ထားတယ်။ ရင်ခွဲစစ်ဆေးမှုပြုလုပ်ဖို့ ပြည်သူ့ဆေးရုံ ကိုပို့ထားပါတယ်”ဟု ကျောက်မဲမြို့မရဲတပ်ဖွဲ့မှ ရဲအရာရှိတစ်ဦးက ပြောသည်။
အဆိုပါရေနစ်သေဆုံးမှုဖြစ်စဉ်အား ကျောက်မဲမြို့မရဲစခန်းတွင် သေမှုသေခင်းအမှတ်စဉ်(၁၃/၂၀၁၇ )ဖြင့် အမှုဖွင့်ပြီး စစ်ဆေးဆောင်ရွက်နေကြောင်းသိရသည်။
သတင်း၊ဓာတ်ပုံ #နေဖြိုးမြင့်
