တာချီလိတ်မြို့ တာလော့ကျောင်းတွင် Quarantine ထားသည့် အမျိုးသားတစ်ဦး အနံ့ပျောက်နေ၍ စစ်ဆေးရာ  Covid-19 ပိုးတွေ့

ရှမ်းပြည်နယ်(အရှေ့ပိုင်း) တာချီလိတ်မြို့ရှိ တာလော့ကျောင်းတွင် facilities quarantine ထားရှိသည့် အမျိုးသားတစ်ဦး ၂၀၂၀ ခုနှစ်၊ ဒီဇင်ဘာလ (၅) ရက်နေ့ နေ့လည်ပိုင်း၌ အနံ့ပျောက်နေ၍ RDT စစ်ဆေးရာမှ ၎င်းတွင် Covid-19 ပိုးတွေ့ရကြောင်း သိရသည်။ 

Covid-19 ပိုးတွေ့ရှိရသူမှာ အသက် (၂၁)နှစ်အရွယ် အမျိုးသားတစ်ဦးဖြစ်ပြီး ၎င်းသည် ဆန်ဆိုင်း(က)ရပ်ကွက်အတွင်း နေထိုင်သူဖြစ်ကြောင်း သိရသည်။ 

၎င်းအား အတည်ပြုလူနာနှင့်ထိတွေ့မှုရှိ၍ quarantine ထားရှိခြင်းဖြစ်သည်။

တာချီလိတ်မြို့တွင် ဒီဇင်ဘာလ (၅) ရက်နေ့အထိ ကုသပေးရသည့် အတည်ပြုလူနာ စုစုပေါင်း (၆၇)ဦးရှိရာ တစ်ဦးမှာ ဆေးရုံမှ ဆင်းခွင့်ရသွားပြီဖြစ်သည့်အတွက် လက်ရှိတွင် (၆၆)ဦးကျန်ရှိနေပြီး  အတည်ပြုလူနာနှင့် ထိတွေ့သူများအား အသွားအလာကန့်သတ်ကာ စစ်ဆေးမှုများ လုပ်ဆောင်နေဆဲဖြစ်သည်။