ရှမ်းပြည်နယ်(အရှေ့ပိုင်း) တာချီလိတ်မြို့တွင်း  COVID-19 အတည်ပြုလူနာတွေထဲက ဆေးရုံကဆင်းခွင့်ရသူ  (၁၂) ဦးမြောက်အဖြစ် အမျိုးသား(၂)ဦး နဲ့ အမျိုးသမီး(၁) စုစုပေါင်း (၃) ဦးဟာ ၂၀၂၀ ခုနှစ် ဒီဇင်ဘာလ (၈) ရက်နေ့ နေ့လည်ပိုင်းက တာချီလိတ်ဆေးရုံဟောင်းဝင်းအတွင်းကနေ နေအိမ်ကို ပြန်ခွင့်ရရှိသွားခဲ့ပါတယ်။ 

သူတို့ (၃) ဦးက ဒေသတွင်းကူးစက်ခံရသူတွေဖြစ်ပြီး ဆေးရုံမှာဆေးကုသမှု ခံယူပြီးတဲ့အတွက် နေအိမ်ကိုပြန်ခွင့်ရရှိသွားပေမယ့် ကျန်းမာရေးဝန်ကြီးဌာနရဲ့ သတ်မှတ်ချက်အတိုင်း နေအိမ်မှာ (၇) ရက် Quarantine နေထိုင်ရမှာဖြစ်ပါတယ်။ 

၂၀၂၀ ခုနှစ် နိုဝင်ဘာလ (၂၂) ရက်နေ့ကနေ ဒီဇင်ဘာလ (၈) ရက်နေ့ နေ့လည်အထိ အတည်ပြုလူနာ (၈၂) ဦးရှိနေပြီး ဆေးရုံကဆင်းခွင့်ရသူ (၁၂) ဦးရှိသွားတဲ့အတွက် လူနာ (၇၀) ဦး ကျန်ရှိနေပါတယ်။