နိုင်ငံအတွင်း အောက်တိုဘာလ(၂၂)ရက်နေ့ တစ်နေ့တည်းတွင် Covid-19 အတည်ပြုလူနာ (၂,၂၇၉)ဦး ဆေးရုံဆင်းခွင့်ရ
နိုင်ငံအတွင်း ဒေသအသီးသီးမှ Covid-19 ဓါတ်ခွဲနမူနာများကို စစ်ဆေးရာက အောက်တိုဘာလ(၂၂)ရက်နေ့တွင် အတည်ပြုလူနာ (၁,၃၁၂)ဦး ထပ်တိုးပြီး သေဆုံးသူ (၃၃)ဦး ထပ်တိုးသော်လည်း တစ်နေ့တည်းတွင် ဆေးရုံဆင်းခွင့်ရသူ (၂၀၀၀)ကျော်အထိ ရှိလာကြောင်း ကျန်းမာရေးနှင့်အားကစားဝန်ကြီးဌာနက သတင်းထုတ်ပြန်ထားရှိသည်။
၂၀၂၀ခုနှစ် မတ်လ(၂၃)ရက်နေ့မှ အောက်တိုဘာလ(၂၂)ရက်နေ့အထိ မြန်မာနိုင်ငံအတွင်း၌ Covid-19 အတည်ပြုလူနာ စုစုပေါင်း (၄၁,၀၀၈)ဦး ရှိလာသည်အနက် သေဆုံးသူ စုစုပေါင်းမှာလည်း (၁,၀၀၅)ဦးအထိ ရှိနေပြီဖြစ်သည်။
အောက်တိုဘာလ(၂၂)ရက်နေ့တွင် အသစ်ထပ်တိုးသည့် သေဆုံးသူ (၃၃)ဦးတွင် (၃၀)ဦးမှာ ရောဂါအခံရှိသူများ ဖြစ်ကြောင်း သိရသည်။
အတည်ပြုလူနာများထဲမှ လက်ရှိတွင် ဆေးရုံမှ ဆင်းခွင့်ရသွားကြသူ စုစုပေါင်း (၂၁,၁၄၄)ဦးအထိရှိသည် အတွက် ဒေသအသီးသီးတွင် ဆေးဝါးကုသမှုခံယူနေသူ စုစုပေါင်း (၁၈,၈၅၉)ဦး ကျန်ရှိနေကြောင်း သိရသည်။
