ကယားပြည်နယ်တွင် ပထမဆုံး COVID 19 အတည်ပြုလူနာကို တွေ့ရပြီးနောက် လူမှုကွန်ယက်စာမျက်နှာမှ ပြစ်တင်ဝေဖန်မှုများ ရှိလာသဖြင့် လူနာအပေါ် ပြစ်တင်မှုများမပြုလုပ်ကြရန် ကယားပြည်နယ် ပြည်သူ့ကျန်းမာရေးနှင့် ကုသရေးဦးစီးဌာနက အများပြည်သူကို တိုက်တွန်းနှိုးဆော်ထားသည်။

ဟု ကယားပြည်နယ်ပြည်သူ့ကျန်းမာရေးနှင့် ကုသရေးဦးစီးဌာ ပြည်နယ်ဦးစီးမှူး ဒေါက်တာဌေးလွင်က တာချီလိတ်သတင်းအေဂျင်စီသို့ ပြောသည်။

ကယားပြည်နယ်တွင် ရန်ကုန်မှပြန်လာ၍ quarantine ဝင်နေသည့် အမျိုးသမီးတစ်ဦးတွင် COVID 19 ပိုးတွေ့ရကြောင်း ၂၀၂၀ ခုနှစ်၊ အောက်တိုဘာလ (၁၅)ရက်နေ့၌ ဓာတ်ခွဲအဖြေရထားပြီး အဆိုပါ အတည်ပြုလူနာမှာ လွိုင်ကော်ပြည်သူ့ဆေးရုံကြီးတွင် ဆေးကုသမှုခံယူနေကာ ကျန်းမာရေးကောင်းမွန်နေကြောင်း သိရသည်။

အဆိုပါ အမျိုးသမီး လွိုင်ကော်မြို့အဝင်သို့ ရောက်ရှိချိန်က quarantine စင်တာသို့ လိုက်ပို့ပေးသည့် ရွှေလွိုင်ကော်ပရဟိတအဖွဲ့ဝင် (၂) ဦးကို ထိတွေ့သူများအဖြစ် ဓာတ်ခွဲစစ်ဆေးသွားမည်ဖြစ်ပြီး အခြားထိတွေ့သူမရှိကြောင်း သိရသည်။

"အခုပိုးတွေ့တဲ့ လူနာအနေနဲ့လည်း လူနာလို့သာပြောတာ သူ့မှာဘာရောဂါလက္ခဏာမှ မရှိပါဘူး။ ဖျားတာ နာတာမရှိဘူး။ ကျန်တဲ့ ချောင်းဆိုးတာတွေလည်းမရှိဘူး။ နေကောင်းကျန်းမာတဲ့သူဖြစ်နေပါတယ်။"

ဟု ဒေါက်တာဌေးလွင်က ပြောသည်။

COVID 19 ပိုးတွေ့ရှိခဲ့သူ အမျိုးသမီးမှာ လွိုင်ကော်မြို့ပြည်သူ့ဆေးရုံကြီးမှ သူနာပြုတစ်ဦးဖြစ်ပြီးရန်ကုန်မြို့သို့ မျက်စိ၊နား၊နှာခေါင်း ၊လည်ချောင်း အထူးကု (၉)လ သင်တန်းတတ်ရောက်ရန် သွားရောက်ခဲ့သူဖြစ်ပြီး အောက်တိုဘာလ (၆) ရက်နေ့တွင် အငှားယာဉ်ဖြင့် ရန်ကုန်မှ လွိုင်ကော်သို့ ရောက်ရှိလာခြင်းဖြစ်သည်။

လွိုင်ကော်သို့ရောက်သည်နှင့် ပညာရေးကောလိပ် Quarantine center သို့ ပို့ဆောင်ကာ ၎င်း၏ ဓာတ်ခွဲနမူနာအား တောင်ကြီးသို့ ပို့စစ်ထားရာမှ အောက်တိုဘာလ (၁၅)ရက်နေ့ ဓာတ်ခွဲအဖြေအရ COVID 19 ပိုးတွေ့ရကြောင်း ဓာတ်ခွဲအဖြေရလာခြင်းဖြစ်သည်။

Tachileik News Agency

သတင်း - ဆန်းဖြိုးထွန်း