အောက်တိုဘာလ(၅)ရက်နေ့တွင် Covid-19 အတည်ပြုလူနာ (၉၈၇)ဦး ထပ်တိုး
ကျန်းမာရေးနှင့်အားကစားဝန်ကြီးဌာနက ၂၀၂၀ခုနှစ် အောက်တိုဘာလ(၅)ရက်နေ့အတွက် ဓါတ်ခွဲနမူနာ ( ၈,၂၈၅)ခုကို စစ်ဆေးရာမှ Covid-19 အတည်ပြုလူနာ (၉၈၇)ဦး ထပ်တိုးတွေ့ရှိကြောင်း အောက်တိုဘာလ (၅)ရက်နေ့ ည(၈)နာရီတွင် သတင်းထုတ်ပြန်ထားရှိသည်။
သေဆုံးသူလည်း (၃၂)ဦးထပ်တိုး၍ သေဆုံးသူ စုစုပေါင်းမှာ (၄၄၄)ဦး ရှိနေပြီး အတည်ပြုလူနာ စုစုပေါင်း (၁၈,၇၈၁)ဦးအနက် သက်သာပျောက်ကင်းသူမှာ (၅,၅၄၈)ဦး ရှိပြီး လက်ရှိတွင် ဆေးဝါးကုသမှု ခံယူနေသူမှာ (၁၂,၇၈၉)ဦး ကျန်ရှိနေသေးကြောင်း သိရသည်။
Covid-19 အမြန်စစ်ဆေးနိုင်သည့် Rapid Antigen Diagnostic Test Kitများဖြင့် တိုင်းဒေသကြီးနှင့်ပြည်နယ်များတွင် စစ်ဆေးမှုများ တိုးမြှင့်လုပ်ဆောင်နေသည့်အတွက် စစ်ဆေးသည့် အရေအတွက်များလာခြင်း ဖြစ်သည်။
Tachileik News Agency
