နိုင်ငံအတွင်း Covid-19 အတည်ပြုလူနာ (၅၁၇)ဦး ထပ်တိုး
အမျိုးသားကျန်းမာရေးဓါတ်ခွဲမှုဆိုင်ရာဌာန(ရန်ကုန်) အပါအဝင် ဆေးရုံများမှ စက်တင်ဘာလ(၂၄)ရက်နေ့အတွက် ဓါတ်ခွဲနမူနာပေါင်း (၂,၄၂၆)ခုကို စစ်ဆေးရာ (၅၁၇)ဦးတွင် Covid-19 ရောဂါပိုးတွေ့ရှိရကြောင်း ကျန်းမာရေးနှင့်အားကစားဝန်ကြီးဌာနက စက်တင်ဘာလ (၂၄)ရက်နေ့ ည(၈)နာရီအချိန်တွင် သတင်းထုတ်ပြန်ထားရှိသည်။
၂၀၂၀ခုနှစ် မတ်လ(၂၃)ရက်နေ့မှ စက်တင်ဘာလ(၂၄)ရက်နေ့ ည(၈)နာရီအထိတွင် Covid-19 ကူးစက်ခံရသူ စုစုပေါင်း (၈,၃၄၄)ဦး ရှိနေပြီး သေဆုံးသူမှာ (၁၅၀)ဦးတိတိ ရှိလာပြီဖြစ်ကြောင်း နှင့် ဆေးရုံဆင်းခွင့်ရသူများမှာ (၂,၃၈၁)ဦးအထိ ရှိကြောင်း သိရှိရသည်။