စက်တင်ဘာလ(၁၀)ရက်နေ့၏ ပထမအသုတ် စစ်ဆေးမှုတွင် Covid-19 အတည်ပြုလူနာ (၁၄၂)ဦး ထပ်တိုး
ဓာတ်ခွဲနမူနာ စုစုပေါင်း (၂,၀၄၇)ခုအား ၂၀၂၀ ခုနှစ်၊ စက်တင်ဘာလ (၁၀)ရက်နေ့တွင် ပထမအသုတ်အဖြစ် စစ်ဆေးရာ အတည်ပြုလူနာ (၁၄၂)ဦးတွေ့ရသဖြင့် မြန်မာနိုင်ငံတွင် အတည်ပြုလူနာစုစုပေါင်း (၂၁၅၀)ဦးအထိ တိုးလာပြီဖြစ်သည်။
ဓာတ်ခွဲအတည်ပြုလူနာများအနက် (၆၂၅)ဦးဆေးရုံဆင်းခွင့်ရထားပြီး သေဆုံးသူ (၁၄)ဦးရှိပြီဖြစ်သည်။
တစ်နိုင်ငံလုံးမှ ဓာတ်ခွဲနမူနာများကို အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်)၊ ဆေးသုတေသနဦးစီးဌာန (DMR)၊ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး)နှင့် ပြည်သူ့ကျန်းမာရေးဓာတ်ခွဲမှုဆိုင်ရာဌာနတို့တွင် ဓာတ်ခွဲစစ်ဆေးခဲ့ခြင်းဖြစ်ကြောင်း သိရသည်။
