မြန်မာ -ထိုင်းနယ်စပ်ဒေသ၊ ထိုင်းနိုင်ငံ မယ်ဆိုင်မြို့မှာ နေထိုင်တဲ့ မြန်မာရွှေ့ပြောင်းလုပ်သားမိသားစုတွေရဲ့ သား၊ သမီးတွေကို အခုလို နယ်စပ်ပေါက်များ ပိတ်ထားတဲ့ Covid-19 ကာလအတွင်းမှာ တာချီလိတ်မြို့မှာရှိတဲ့ ကျောင်းတွေမှာ တက်ရောက်ဖို့အတွက် ကျောင်းသားတွေစာရင်းကို ကောက်ယူဖို့စီစဉ်ထားတယ်လို့ တာချီလိတ်မြို့နယ်အုပ်ချုပ်ရေးမှူး ဦးချမ်းမြေ့စောက ပြောပါတယ်။
တာချီလိတ်မြို့ခရိုင်၊ မြို့နယ်စုပေါင်းရုံးခန်းမမှာ ၂၀၂၀ ခုနှစ် ဇူလိုင်လ (၂) ရက်နေ့ နံနက်ပိုင်းကတာချီလိတ်မြို့နယ်အုပ်ချုပ်ရေးမှူးအဖွဲ့ နဲ့ မယ်ဆိုင်မြို့ပိုင်အဖွဲ့တို့ အလွှတ်သဘောတွေ့ဆုံဆွေးနွေးမှုမှာ မယ်ဆိုင်မြို့မှာရောက်ရှိနေတဲ့ မြန်မာကျောင်းသား (၅၀) ကျော်ကို COVID-19 ကာလအတွင်း တာချီလိတ်မြို့က ကျောင်းတွေမှာပြန်လည်တက်ရောက်ခွင့်ရဖို့ ဆွေးနွေးခဲ့ကြတာဖြစ်ပါတယ်။
တင်ဆက် - ကိုဇောင်း
သတင်း/ရိုက်ကူး - ဟန်စိုးထိုက်
