ရှမ်းပြည်နယ် (အရှေ့ပိုင်း) တာချီလိတ်မြို့ရှိ ငွေတောင်ဦးကမ္မဌာန်းကျောင်းတိုက်တွင် မြန်မာနှစ်ဆန်းတစ်ရက်နေ့ ကျောင်းတက် ကန်တော့ခြင်းကို COVID 19 ရောဂါကြောင့် ၂၀၂၀ ခုနှစ်တွင် ပြုလုပ်တော့မည် မဟုတ်ဘဲ ကျောင်းတိုက် အဝင်အထွက်ကို ပိတ်ထားမည်ဖြစ်ကြောင်း သိရသည်။
အားလုံး ဒကာ ဒကာမများနှင့် ကမ္ဘာသူ/သားများ၊ နှစ်ဟောင်းကုန်ပျောက် နှစ်သစ်မင်္ဂလာ ရောက်သည့်အခါဝယ် နှစ်သစ်မှာလည်း မိမိတို့ စိတ်အကြံရှိတိုင်း မဆိုင်းမတွ အားလုံးပြီးပြည့်စုံ အောင်မြင်ကြပါစေ။ အထူးအားဖြင့် ကပ်ကြီးသုံးဖြာမှ ကမ္ဘာသူ/သားများ အားလုံး လွတ်မြောက်နိုင်ကြပါစေလို့ အထူးဆုမွန်ကောင်း တောင်းပေးလိုက်ပါသည်
ဟု ငွေတောင်ဦးကမ္မဌာန်းကျောင်းတိုက်က အထူးအသိပေး မေတ္တာရပ်ခံစာတွင် ဖေါ်ပြထားသည်။
COVID 19 ကာကွယ်ရေးအတွက် လူစုလူဝေးပြုလုပ်ခြင်းကို ရှောင်ရှားကြရမည်ဖြစ်ရာ ကျောင်းတက်ကန်တော့ခြင်းကို မကျင်းပတော့ခြင်း ဖြစ်ကြောင်း သိရသည်။
Tachileik News Agency
