ဧပြီလ(၁၃)ရက်နေ့တွင် မကွေးတိုင်းနှင့် ရန်ကုန်တိုင်းတို့မှ အတည်ပြုလူနာ (၁၂)ဦးထပ်တိုးလာ၍ မြန်မာနိုင်ငံအတွင်း အတည်ပြုလူနာ (၅၃)ဦးရှိလာ
မကွေးတိုင်းဒေသကြီး၊ မြို့သစ်မြို့နယ်ရှိ Quarantine ထားသည့်နေရာမှ (၁)ဦးတွင် COVID 19 ရောဂါပိုးတွေ့ရသဖြင့် ၂၀၂၀ ခုနှစ်၊ ဧပြီလ (၁၃)ရက်နေ့ ည(၉)နာရီ ထုတ်ပြန်ထားသည်အထိ စုစုပေါင်း အတည်ပြုလူနာ (၅၃)ဦးရှိလာပြီဖြစ်သည်။
အမျိုးသားကျန်းမာရေးဓါတ်ခွဲမှုဆိုင်ရာဌာန (ရန်ကုန်)က ဧပြီလ (၁၃) ရက်နေ့ ည (၉)နာရီအထိ ဓါတ်ခွဲအဖြေ (၂)ကြိမ် ထုတ်ပြန်ခဲ့ရာ စုစုပေါင်း ဓါတ်ခွဲစစ်ဆေးသူ (၁၈၆) ဦးအနက် (၁၂) ဦးတွင် COVID-19 ရောဂါပိုး တွေ့ရှိခဲ့ရခြင်းဖြစ်သည်။
မကွေးတိုင်း၊ မြို့သစ်မြို့နယ်ရှိ နေရပ်ပြန်များ စောင့်ကြည့်သည့်နေရာမှ (၁)ဦး၊ ဓာတ်ခွဲအတည်ပြုလူနာနှင့် အနီးကပ်ထိတွေ့ခဲ့သဖြင့် ရန်ကုန်တိုင်းဒေသကြီးရှိ သတ်မှတ်နေရာများတွင် အသွားအလာ ကန့်သတ်၍ စောင့်ကြပ်ကြည့်ရှုထားသူများထဲမှ (၁၁)ဦးတို့ကို ဧပြီလ (၁၃)ရက်နေ့တွင် အတည်ပြုလူနာများအဖြစ် ထပ်တိုးလာခြင်းဖြစ်သည်။
Tachileik News Agency
