ထိုင်းနိုင်ငံတွင်း အကြောင်းမျိုးမျိုးကြောင့် ဖမ်းဆီးခံရသူ (၄)ဦးကို တာချီလိတ်သို့ လွှဲပြောင်းလာ
ထိုင်းနိုင်ငံတွင် အကြောင်းအမျိုးမျိုးကြောင့် ဖမ်းဆီးခံထားရသည့် မြန်မာနိုင်ငံသား (၄)ဦးကို ရှမ်းပြည်နယ် (အရှေ့ပိုင်း) တာချီလိတ်မြို့သို့ ၂၀၂၀ ခုနှစ်၊ မတ်လ (၉) ရက်နေ့တွင် လာရောက်လွှဲပြောင်းပေးသည်။
ရှမ်းပြည်နယ်နှင့် ရန်ကုန်တိုင်းဒေသကြီးတို့မှ အမျိုးသား (၄)ဦးတို့သည် ထိုင်းနိုင်ငံတွင်း တရားမဝင် ဝင်ရောက်မှုဖြင့် အဖမ်းခံခဲ့ကြရခြင်းဖြစ်ပြီး ပြစ်ဒဏ်စေ့ပြီဖြစ်၍ မြန်မာ - ထိုင်းချစ်ကြည်ရေးတံတားအမှတ် (၂) တာချီလိတ်ဘက်ခြမ်းသို့ လာရောက်လွှဲပြောင်းပေးခြင်းဖြစ်ကြောင်း သိရသည်။
အဆိုပါ မြန်မာနိုင်ငံသားများကို မယ်ဆိုင်မြို့ လဝကအရာရှိ Somsak Singkham ဦးစီးသည့်အဖွဲ့က လာရောက်လွှဲပြောင်းပေးရာ တာချီလိတ်မှ လဝကမှူး ဦးအောင်ကြည်ဦး ဦးဆောင်သည့် မြို့နယ်အထွေထွေအုပ်ချုပ်ရေးဦးစီးဌာန၊ လူကုန်တားအဖွဲ့နှင့် CNCMC အဖွဲ့တို့က စိစစ်လက်ခံခဲ့ကြခြင်းဖြစ်သည်။
နေရပ်ပြန်လာသည့် မြန်မာနိုင်ငံသားများကို ကျန်းမာရေးစိစစ်မှုများလုပ်ဆောင်ပြီး ပြန်လည်လက်ခံခဲ့ခြင်းဖြစ်သည်။
Tachileik News Agency
ဓါတ်ပုံ - CNCMC
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
