မကွေးတိုင်းဒေသကြီး၊ မင်းဘူးမြို့နယ်၊ ဧရာဝတီတံတား(မကွေး) မင်းဘူးဘက်ခြမ်းရှိ စစ်ဆေးရေးတိုးဂိတ်၌ ၂၀၂၀ ခုနှစ်၊ မတ်လ (၁) ရက်နေ့ နံနက်ပိုင်းက နိုင်ငံသားအထောက်အထားမရှိသည့် ဘင်္ဂါလီများ (၇)ဦးကို ဆောင်လာသည့် ယာဉ်မောင်း၊ ယာဉ်မောင်းအကူတို့နှင့်တကွ ဖမ်းဆီးရမိကြောင်း သိရသည်။
“မကွေးတိုင်းရဲတပ်ဖွဲ့က ရဲအုပ်မျိုးလွင်ဦးစီးအဖွဲ့က ဦးဆောင်ဖမ်းဆီးခဲ့တာပါ။ အခုတော့ စစ်ဆေးနေဆဲပဲ ရှိပါသေးတယ်”ဟု ဖမ်းဆီးရေးအဖွဲ့တွင်ပါရှိသူ မင်းဘူးမြို့မရဲစခန်း နယ်ထိန်းခေါင်းဆောင် ဒုရဲအုပ် ကျော်ငြိမ်းက တာချီလိတ်သတင်းအေဂျင်စီသို့ ပြောသည်။
ပဒါန်းဘက်မှ မောင်းနှင်လာသည့် မော်တော်ယာဉ်အား ဧရာဝတီတံတား (မကွေး)၊ မင်းဘူးဘက်ခြမ်း တိုးဂိတ်သို့အရောက်တွင် ရဲတပ်ဖွဲ့နှင့်ပူးပေါင်းအဖွဲ့က ရပ်တန့်စစ်ဆေးရာ ယာဉ်ပေါ်တွင် သယ်ဆောင်လာသည့် ခိုးဝင်ဘင်္ဂါလီ အမျိုးသား (၁)ဦးနှင့် အမျိုးသမီး (၆)ဦးတို့ကို စစ်ဆေးတွေ့ခဲ့ရခြင်းဖြစ်ကြောင်း သိရသည်။
ယခု ဖမ်းဆီးရမိမှုသည် အဆိုပါနေရာ၌ ၂၀၂၀ ခုနှစ်အတွင်း ဒုတိယအကြိမ်မြောက် ဖမ်းဆီးနိုင်ခဲ့ခြင်းဖြစ်ကြောင်း သိရပြီး ဖမ်းဆီးရမိသူများအား ၁၉၄၉ ခုနှစ် ပြည်ထောင်စု မြန်မာနိုင်ငံအတွင်းနေထိုင်သူများ မှတ်ပုံတင်ရေး အက်ဥပဒေဖြင့် အရေးယူနိုင်ရန် ဆောင်ရွက်နေကြောင်း သိရသည်။
သတင်း -ဖီးနစ်
ဓာတ်ပုံ -ရဲစခန်း
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
