ညောင်ကိုးပင်ဆိပ်အနီး ဧရာဝတီမြစ်အတွင်း အမျိုးသားအလောင်း တွေ့ရှိ
မကွေးတိုင်းဒေသကြီး၊ မကွေးမြို့ ညောင်ကိုးပင်ဆိပ်အနီး ဧရာဝတီမြစ်အတွင်း ၂၀၂၀ ခုနှစ်၊ မတ်လ (၈) ရက်နေ့က တွေ့ရသည့် အသက် (၅၀)ဝန်းကျင် အမျိုးသားအလောင်းကို မည်သူမည်ဝါဖြစ်ကြောင်း အတည်ပြုနိုင်ရန် ကြိုးစားဆဲဖြစ်ကြောင်း သိရသည်။
အဆိုပါ အလောင်းအား ရေလုပ်သားတစ်ဦးက တွေ့ရှိရခြင်းဖြစ်ပြီး သက်ဆိုင်ရာသို့ သတင်းပေးပို့ချက်အရ ရဲတပ်ဖွဲ့က သက်သေများနှင့်အတူ သွားရောက်စစ်ဆေးရာ အဝါရောင်လက်ရှည်၊ နီညိုရောင် ကွက်စိပ် ပုဆိုးအား ဝတ်ဆင်ထားပြီး ပြင်ပဒဏ်ရာ တစ်စုံတရာမတွေ့ရှိရဘဲ ပါးစပ်နှင့် နားထဲ၌ ရွှံ့နွံများသာ တွေ့ရှိရကြောင်း ရဲမှတ်တမ်းအရ သိရသည်။
အဆိုပါ အလောင်းအား ရောင်စုံမေတ္တာ လူမှုကူညီရေးအသင်းက မကွေးတိုင်းပြည်သူ့ဆေးရုံကြီးသို့ ပို့ဆောင်ခဲ့ပြီး သေဆုံးရခြင်းအကြောင်းရင်းကို စစ်ဆေးထားကြောင်း သိရသည်။
သေဆုံးသူအား အတည်ပြုနိုင်ရန် ကြိုးစားနေဆဲဖြစ်ပြီး မကွေးမြို့မရဲစခန်းတွင် သေမှုသေခင်းအမှတ်စဉ် ၃/၂၀၂၀ ဖြင့် အမှုရေးဖွင့် ဆောင်ရွက်ထားကြောင်း သိရသည်။
Tachileik News Agency
သတင်း-ဖီးနစ်
ဓာတ်ပုံ-Ko Zay
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
