ဝူဟန်အဆုတ်ရောင်ရောဂါ ကူးစက်ခံရသူ ဇန်နဝါရီလ(၂၆)ရက်နေ့အထိ (၂၀၂၂)ဦး နှင့် သေဆုံးသူ (၅၆)ဦး ရှိလာ
တရုတ်နိုင်ငံ နှင့် အခြားနိုင်ငံများတွင် ဝူဟန်အဆုတ်ရောင်ရောဂါကြောင့် 2020ခုနှစ် ဇန်နဝါရီလ(၂၆)ရက်နေ့ နေ့လည်ပိုင်းအချိန်အထိ သေဆုံးသူ (၅၆)ဦးရှိလာပြီး ကူးစက်ခံရသူ (2022)ဦး ဖြစ်လာနေသည့်အတွက် ဝူဟန်မြို့ရောက် နိုင်ငံသားများကို လေယာဉ်ဖြင့် ပြန်ခေါ်ထုတ်ရန် အမေရိကန်၊ ရုရှားနှင့် ပြင်သစ်တို့က စီစဉ်နေပြီဖြစ်သည်။
တရုတ်နိုင်ငံရှိ အမေရိကန်နိုင်ငံသားအနက် ရောဂါဖြစ်ပွားနိုင်ခြေမြင့်သည့်နေရာများတွင် နေထိုင်သူများကို ခေါ်ထုတ်သွားမည်ဖြစ်ပြီး လေယာဉ်ပေါ်တွင် ကုသရေးအဖွဲ့လိုက်ပါပြီး ဆန်ဖရစ္စကိုသို့ တိုက်ရိုက်ပျံသန်းမည်ဖြစ်ကြောင်း သိရသည်။
တရုတ်နိုင်ငံတွင်း ရောဂါကူးစက်ခံရသည့် ဒေသလည်း ပိုများလာနေ၍ မြို့များကို အဝင်အထွက်ပိတ်ပစ်ပြီး ရောဂါထိန်းချုပ်နိုင်ရေး လုပ်ဆောင်နေရာ လက်ရှိတွင် မြို့ပေါင်း (၁၃)မြို့မှာ ပြင်ပနှင့် ဆက်သွယ်နိုင်ခြင်း မရှိတော့ဘဲ ဝူဟန်နှင့် ကီလိုမီတာ (၈၀၀)အကွာတွင်ရှိသည့် လူဦးရေ (၅.၃)သန်းနေထိုင်သည့် ရှန်တုံးမြို့မှာလည်း ထပ်မံပိတ်ပစ်ဖွယ်ရှိနေကြောင်း သိရသည်။
ဝူဟန်အဆုတ်ရောင်ရောဂါပျံ့နှံ့မှုကြောင့် တရုတ်နှစ်သစ်ကူးပွဲတော်များလည်း ကျင်းပနိုင်ခြင်းမရှိတော့ဘဲ ခရီးသွားလုပ်ငန်းများ၊ သယ်ယူပို့ဆောင်ရေးလုပ်ငန်းများမှ ခရီးစဉ်အချို့အပါအဝင် လုပ်ငန်းအချို့ ယာယီ ရပ်ဆိုင်းထားရပြီး တရုတ်အစိုးရက ဝူဟန်အဆုတ်ရောင်ရောဂါထိန်းချုပ်ရေးကို ဦးစားပေးလုပ်ငန်းအဖြစ် ဆောင်ရွက်နေသည်ဟု သိရသည်။
ဝူဟန်မြို့၌ ကူးစက်ခံရသူများလာနေ၍ လက်ရှိဆေးရုံအပြင် နောက်ထပ် ဆေးရုံ (၂၄)ခုတွင် ဝူဟန်အဆုတ်ရောင်ရောဂါ ကူးစက်ခံရသူများကို လက်ခံကုသပေးရန် စီစဉ်နေကြောင်း ဇန်နဝါရီလ (၂၅)ရက်နေ့၌ သတင်းထွက်လာသည်။
တရုတ်နိုင်ငံတွင် ဝူဟန်အဆုတ်ရောင်ရောဂါကုသမှု၌ HIV ကုသသည့်ဆေးများကို အသုံးပြုနေသည်ဟု သတင်းများတွင် ဖေါ်ပြထားပြီး ကော်ရိုနာဗိုင်းရပ်စ်ကာကွယ်ဆေးကို ပထမဆုံးလူနာစတင်တွေ့ရှိစဉ်ကတည်းက စမ်းသပ်နေပြီဖြစ်ကြောင်း တရုတ်အစိုးရသတင်းဌာနက သတင်းထုတ်ပြန်သည်။
Tachileik News Agency
Ref; The Guardian
infographics - SCMP GRAPHICS
ဆက်စပ်သတင်း
- ဝူဟန်အဆုတ်နာရောဂါ ကုသရေးအတွက် ဆေးတပ်ဆရာဝန် (၂၀၀)ကျော်ကို တရုတ်သမ္မတ စေလွှတ်
- တရုတ်နိုင်ငံ ဝူဟန်တွင် ကော်ရိုနာဗိုင်းရပ်စ်လူနာများအား သီးခြားကုသနိုင်မည့် ကုတင် ၁၀၀၀ ဆံ့ဆေးရုံကို တစ်ပတ်အတွင်း အပြီးတည်ဆောက်မည်
- တာချီလိတ်သို့ မယ်ဆိုင်ဘက်မှ ဝင်ရောက်လာသည့် တရုတ်နိုင်ငံသား (၄၀)ဦးအဖွဲ့တွင် ကိုယ်အပူချိန်မြင့်နေသူတစ်ဦးကို စစ်ဆေးတွေ့ရှိ
- ပြင်းထန်အဆုတ်ရောင်ရောဂါ ပျံ့နှံ့မှုနှင့် သေဆုံးမှုမြင့်တက်လာ၍ တရုတ်နိုင်ငံ ဝူဟန်မြို့ကို အဝင်အထွက်များ ပိတ်ပင်ထား
- တရုတ်နိုင်ငံတွင် ဝူဟန်အဆုတ်ရောင်ရောဂါ ကူးစက်ခံရသူ များလာပြီး သေဆုံးသူများလည်း ရှိလာ
- တရုတ်နိုင်ငံတွင် ဝူဟန်အဆုတ်ရောင်ရောဂါဖြင့် ဆရာဝန်တစ်ဦးသေဆုံးပြီး သေဆုံးသူ ၄၁ ဦးအထိ တိုးလာ
- ယူနန် နှင့် ဟူနန်တွင် ဝူဟန်အဆုတ်ရောင်ရောဂါ ကူးစက်ခံရသူများ တွေ့ရှိ
- တရုတ်နိုင်ငံ ရှန်ဇောင်းတွင် ရောဂါလက္ခဏာမပြဘဲ ဝူဟန်အဆုတ်ရောင်ရောဂါ ကူးစက်ခံထားရသည့် (၁၀)နှစ်အရွယ် ကလေးတစ်ဦးကို စစ်ဆေးတွေ့ရှိ
- တရုတ်နိုင်ငံရောက် မြန်မာနိုင်ငံသားများ ကျန်းမာရေးဌာန၏ ညွှန်ကြားချက်များ လိုက်နာရန်နှင့် လိုအပ်ပါက မြန်မာသံရုံးနှင့် ကောင်စစ်ဝန်ရုံးများထံ အကူအညီတောင်းရန် ထုတ်ပြန်
- ဝူဟန်အဆုတ်ရောင်ရောဂါ ကူးစက်ခံရသူ ဇန်နဝါရီလ(၂၆)ရက်နေ့အထိ (၂၀၂၂)ဦး နှင့် သေဆုံးသူ (၅၆)ဦး ရှိလာ
- ဟောင်ကောင်တွင် ဝူဟန်အဆုတ်ရောင်ရောဂါ ကူးစက်ခံရသည့် (၆)ယောက်မြောက်တွေ့ရှိ၍ ကူးစက်ခံရသူ စုစုပေါင်း (၂၀၂၃)ဦး ရှိလာ
- မြဝတီမြို့ရှိ မြန်မာ - ထိုင်းနယ်စပ်ဂိတ်တွင် ထိုင်းဘက်က ဝင်ရောက်လာသည့် တရုတ်နိုင်ငံသားများအား ဝူဟန်အဆုတ်ရောင်ရောဂါ ကာကွယ်ရေး တိုင်းတာစစ်ဆေး
