ရှမ်းပြည်နယ်အတွင်း စိုက်ပျိုးရေးကဏ္ဍဆိုင်ရာ ရင်းနှီးမြှုပ်နှံမှုများနှင့် ရင်းနှီးမြှုပ်နှံမှုဆိုင်ရာ အခွင့်အလမ်းများအား သက်ဆိုင်ရာတာဝန်ရှိသူများက ဖြေကြားရှင်းလင်းမည့် ရှမ်းပြည်နယ် ရင်းနှီးမြှုပ်နှံမှုဖိုရမ်ကို ၂၀၁၉ ခုနှစ်၊ နိုဝင်ဘာလ (၂၆)ရက်နေ့တွင်  တောင်ကြီးမြို့၌ ကျင်းပမည်ဖြစ်သည်။

မြန်မာနိုင်ငံရင်းနှီးမြှုပ်နှံမှုကော်မရှင်နှင့် ရှမ်းပြည်နယ် ရင်းနှီးမြှုပ်နှံမှုကော်မတီတို့မှ ပူးပေါင်း၍ Deutsche Gesellschaftfür Internationale Zusammenarbeit (GIZ) ၏ ပါဝင်ကူညီမှုဖြင့် ရှမ်းပြည်နယ် (တောင်ပိုင်း) တောင်ကြီးမြို့ရှိ Royal Taunggyi Hotel ၌ ကျင်းပမည်ဖြစ်သည်။

အဆိုပါ ဖိုရမ်တွင် ရှမ်းပြည်နယ်အတွင်းရှိ စိုက်ပျိုးရေးကဏ္ဍဆိုင်ရာ ရင်းနှီးမြှုပ်နှံမှုများနှင့် ရင်းနှီးမြှုပ်နှံမှုဆိုင်ရာ အခွင့်အလမ်းများနှင့်ပတ်သက်၍ သက်ဆိုင်ရာဌာနများနှင့် ပုဂ္ဂလိကကဏ္ဍများမှ တာဝန်ရှိသူများကို တိုက်ရိုက် မေးမြန်းဆွေးနွေးနိုင်မည်ဖြစ်သည်။

ဖိုရမ်တက်ရောက်လိုသူများအနေဖြင့် နိုဝင်ဘာလ (၁၉)ရက်နေ့ နောက်ဆုံးထား၍ www.shanstateinvestmentforum2019.com တွင် စာရင်းပေးသွင်းကြရမည်ဖြစ်သည်။

Tachileik News Agency