~~~~~~~~⊰❂ Unicode Version ❂⊱~~~~~~~~

“ သြဂုတ် (၂၆) ရက်နေ့ မနက်စောစောမှာ ထိုင်း (၁၄)ယောက်နဲ့ မြန်မာဘက်ခြမ်းက (၃၉)ယောက်ကို တောင်ပိုင်း “ဝ”ပြည်နယ် ၁၇၁ တပ်ဖွဲ့ကနေ ဖမ်းထားတယ်။ ဖမ်းမိတဲ့ပစ္စည်းတွေ မူးယစ်ဆေးနဲ့ လက်နက်တွေကို စိစစ်ဆဲဖြစ်ပါတယ်။ သူတို့က သွားလာနကြေလို့ သတင်းရတဲ့အတွက် ကျွန်တော်တို့ တပ်ဖွဲ့တွေက စောင့်ဖမ်းတယ်။ သူတို့က တောလမ်း မှောင်ခိုလမ်းကနေ သွားတဲ့အဖွဲ့တွဖြေစ်တယ်”ဟု UWSA၏ လားရှိုးမြို့အခြေစိုက် ဆက်ဆံရေးရုံးတာဝန်ခံ ဦးညီရန်းက တာချီလိတ်သတင်းအေဂျင်စီသို့ သြဂုတ်လ (၂၉)ရက်နေ့တွင် အတည်ပြုပြောကြားသည်။

မြန်မာနိုင်ငံဘက်ခြမ်း UWSA ထိန်းချုပ်နယ်မြဖြေစ်သည့် လွယ်လျန်းဒေသမှ မှောင်ခိုလမ်းကြောင်းအတိုင်း နယ်စပ်ဖြတ်၍ မူးယစ်ဆေးသယ်သည့်အဖွဲ့အား ၂၀၁၉ ခုနှစ်၊ သြဂုတ်လ (၂၆)ရက်နေ့ နံနက်အစောပိုင်းတွင် UWSA တပ်ဖွဲ့က ဖမ်းဆီးရာ အပြန်အလှန်ပစ်ခတ်မှုများဖြစ်ပွားပြီး ထိုင်းနိုင်ငံ မယ့်အိုင်းဒေသဘက်သို့ပါ မူးယစ်ဆေးသယ်သူအချို့ ရောက်သွားပြီး ကျန်လူများကို UWSA က ဖမ်းမိခြင်းဖြစ်ကြောင်း သိရသည်။

“စိတ်ကြွဆေးပြား (၇)သန်းကနေ (၁၀)သန်းအထိ ပါသွားတယ်လို့ သိရတယ်။ သူတို့ပြန်ခေါက်လာချိန်မှာ ဒီဘက်က နည်းနည်းတော့ ဖမ်းမိတယ်။ အတော်များများကတော့ ထိုင်းဘက်ရောက်သွားပြီ။ လက်နက်တွေလည်း ကျွန်တော်တို့ ဖမ်းဆီးရမိထားတာရှိတယ်။ အကုန်လုံးကိုတော့ စစ်ဆေးဆဲဖြစ်လို့ အသေးစိတ်တော့ မသိရသေးဘူး”ဟု UWSA၏ လားရှိုးမြို့အခြေစိုက် ဆက်ဆံရေးရုံးတာဝန်ခံ ဦးညီရန်းက ပြောသည်။

အဆိုပါ ဖမ်းဆီးခံရသည့်အဖွဲ့တွင် မယ်ကျန့် - မဲ့ဆလောင်းလမ်းတွင် ဇူလိုင်လ (၂၄)ရက်နေ့က စိတ်ကြွဆေးပြား (၇)သန်းကျော် ဖမ်းဆီးရမိမှုနှင့်ပတ်သက်၍ သတင်းဖော်ထုတ်ခဲ့သည့် မယ်ကျန်းဒေသမှ အသက် (၂၇)နှစ်အရွယ် အမျိုးသားတစ်ဦးအား သတ်ဖြတ်မှုဖြင့် အလိုရှိနေသူများလည်း ပါဝင်နေသည်ဟု ထိုင်းသတင်းဌာနများတွင် ရေးသားထားသည်။

UWSA “ဝ”တပ်ဖွဲ့က ဖမ်းဆီးရမိထားသည့် ထိုင်းနိုင်ငံသား (၁၄)ဦးမှာ ထိုင်းနိုင်ငံ တရားရုံးအသီးသီးမှ ဝရမ်းထုတ်ခံထားရသူများဖြစ်သဖြင့် ပြန်လည်လွှဲပြောင်းပေးရေးအတွက် ညှိနှိုင်းသွားမည်ဟု ထိုင်းသတင်းဌာ၏ ဖော်ပြချက်အရ သိရသည်။

UWSA က ဖမ်းဆီးမှုအတွင်း မော်တော်ယာဉ်နှစ်စီးနှင့် လက်နက်မျိုးစုံကိုပါ သိမ်းဆည်းရမိထားကြောင်း သိရသည်။

Tachileik News Agency
သတင်း - ချယ်ရီထိုက်
ဓာတ်ပုံ - MRG