~~~~~~~~⊰❂ Unicode Version ❂⊱~~~~~~~~

ဘန်ကောက်မြို့တွင်း နေရာ (၃)ခုတွင် ပေါက်ကွဲမှုဖြစ်ပွားပြီး ရဲဌာနချုပ်ရှေ့ ဗုံးထောင်သည်ဟု သံသယရှိသူ (၂)ဦးကိုလည်း ဖမ်းဆီးထား
*************
ထိုင်းနိုင်ငံ၊ ဘန်ကောက်မြို့တွင်း နေရာ(၃)ခုတွင် ၂၀၁၉ ခုနှစ်၊ သြဂုတ်လ(၂)ရက်နေ့ နံနက်ပိုင်းက ပေါက်ကွဲမှုများမှာ ယမန်နေ့ညပိုင်းက ရဲဌာနချုပ်ရှေ့တွင် ဗုံးတစ်လုံးတွေ့ရှိမှုနှင့်ဆက်စပ်သည်ဟု သံသယရှိသူ (၂)ဦးကိုလည်း ရဲတပ်ဖွဲ့က ဖမ်းမိထားကြောင်း သိရသည်။

ယနေ့နံနက်ပိုင်း ဗုံးပေါက်ကွဲမှုဖြစ်ပွားသည့် နေရာ (၃)ခုမှ ထိခိုက်ဒဏ်ရာရသူစာရင်းကို အတည်မပြုနိုင်သေးဘဲ ရာမ(၄)လမ်း ပေါက်ကွဲမှုတွင် လမ်းသန့်ရှင်းလုပ်နေသူတစ်ဦး ဒဏ်ရာရသွားသဖြင့် ဆေးရုံတင်ပို့ထားကြောင်း သိရသည်။

ပထမဆုံးပေါက်ကွဲမှုမှာ လူများပြားနေချိန် ရထားဘူတာတွင် ဖြစ်ပွားခဲ့ပြီး ဒုတိယ ပေါက်ကွဲမှုမှာ ရာမ(၄)လမ်းနှင့် နံနက် (၁၀)နာရီဝန်းကျင်တွင် အစိုးရရုံးဝန်းအတွင်း၌ ပေါက်ကွဲမှုဖြစ်ပွားကြောင်း သိရသည်။

အဆိုပါပေါက်ကွဲမှုများ ဖြစ်ပွားချိန်က ထိုင်းနိုင်ငံတွင် ကျင်းပနေသည့် အာဆီယံထိပ်သီးအစည်းအဝေးတွင် အမေရိကန်နိုင်ငံခြားရေးဝန်ကြီး မိုက်ပွန်ပဲယိုး မိန့်ခွန်းပြောကြားနေချိန်ဖြစ်ကြောင်း သိရသည်။

သြဂုတ်လ (၁)ရက်နေ့ညပိုင်းကလည်း ထိုင်းတော်ဝင်ရဲဌာနချုပ်အပြင်ဘက်တွင် ဗုံးအတုကို တွေ့ခဲ့ရသဖြင့် စီစီတီဗီမှတ်တမ်းများအရ ရဲတပ်ဖွဲ့က သံသယရှိသူ (၂)ဦးကို သြဂုတ်လ (၂)ရက်နေ့တွင် ဖမ်းဆီးရမိထားခြင်းဖြစ်သည်။

Tachileik News Agency
Ref: Coconut, Bangkok Post