~~~~~~~~⊰❂ Unicode Version ❂⊱~~~~~~~~

ရခိုင်ပြည်နယ် ဂွမြို့တွင် နိုင်ငံသားမဟုတ်သည့် ဘင်္ဂါလီ (၄)ဦးနှင့် အခကြေးငွေယူ၍ ပို့ဆောင်ပေးသည့် မြန်မာ (၂)ဦးတို့ကိုဖမ်းမိ
*************
ရခိုင်ပြည်နယ်ရှိ ဒုက္ခသည်စခန်းများမှဟုဆိုသော ဘင်္ဂါလီ (၄)ဦးနှင့် ၎င်းတို့အား အခကြေးငွေယူပြီး တရားမဝင်ပို့ဆောင်ပေးသူ(၂)ဦးတို့ကို ဂွမြို့စစ်ဆေးရေးဂိတ်တွင် ၂၀၁၉ ခုနှစ်၊ ဇူလိုင်လ (၃၀)ရက်နေ့ ညနေ (၃)နာရီကျော်က ဖမ်းဆီးရမိကြောင်း သိရသည်။

ဂွမြို့ မြို့နယ်ရဲမှူး ရဲမှူးမြင့်ဌေးနှင့် မြို့မစခန်းမှူး ဒုရဲမှူး မျိုးခိုင်ကြီးကြပ်သည့်ရဲတပ်ဖွဲ့သည် လူဝင်မှုကြီးကြပ်ရေးဦးစီးဌာနမှ တာဝန်ရှိသူများ၊ သက်သေများပါဝင်သည့်အဖွဲ့ဖြင့် ဂွမြို့အဝင်၊အထွက်ဂိတ်တွင် စစ်ဆေးနေရာ သံတွဲမြို့ဘက်မှ လူ(၃)ဦးစီ စီးနင်းလာသည့် ဆိုင်ကယ်(၂)စီးအား စစ်ဆေးရာ တင်ဝင်းမောင်းနှင်သည့် ဆိုင်ကယ်နောက်တွင် လိုက်ပါလာသည့် မာမောက်ယာဆိမ်းနှင့် မရော်ဘီဇာခါတူ၊ ဇော်သန်းမောင်းနှင်သည့် ဆိုင်ကယ်နောက်တွင် လိုက်ပါလာသည့် ဆော်ယော့တူဆောင်းနှင့် နူအာလောင်တို့မှာ သဲချောင်းကျေးရွာရှိ ဒုက္ခသည်စခန်းများမှဖြစ်သည်ဟု သိရသဖြင့် လူဝင်မှုကြီးကြပ်ရေးဦးစီးဌာနက စစ်ဆေးမှုများ လုပ်ဆောင်နေခြင်းဖြစ်ကြောင်း သိရသည်။

ဆိုင်ကယ်မောင်းနှင်လာသူ (၂)ဦးက အဆိုပါ (၄)ဦးကို တစ်ဦးလျှင် ကျပ်(၅)သိန်းနှုန်းပို့ဆောင်ခရယူပြီး ပို့ဆောင်ပေးသူများဖြစ်သည်ဟု သိရသဖြင့် နိုင်ငံသားမဟုတ်သူများကို တရားမဝင်ပို့ဆောင်ပေးမှုဖြင့် ဖမ်းဆီးစစ်ဆေးနေကြောင်း သိရသည်။

လက်ရှိတွင် ဘင်္ဂါလီ အမျိုးသား (၃)ဦးနှင့် အမျိုးသမီး (၁)ဦး၊ အခကြေးငွေရယူပို့ဆောင်ပေးသည့် မြန်မာနိုင်ငံသား (၂)ဦးတို့ကို လူဝင်မှုကြီးကြပ်ရေးက စစ်ဆေးနေပြီး အမှုဖွင့်အရေးယူနိုင်ရန် ဆောင်ရွက်နေကြောင်း သိရသည်။

Tachileik News Agency
ဓါတ်ပုံ -ရဲတပ်ဖွဲ့