~~~~~~~~⊰❂ Unicode Version ❂⊱~~~~~~~~

ကျား/မ တန်းတူညီမျှရေးနှင့် အမျိုးသမီးကဏ္ဍမြှင့်တင်ရေးအပါအဝင် ကဏ္ဍလေးရပ်အတွက် UNFPA အမေရိကန်ဒေါ်လာ သန်း (၂၀)သုံးစွဲမည်
***********
မျိုးဆက်ပွားကျန်းမာရေး၊ ကျား/မ တန်းတူညီမျှရေးနှင့် အမျိုးသမီးကဏ္ဍမြှင့်တင်ရေး၊ လူဦးရေဆိုင်ရာ ကဏ္ဍများအတွက် UNFPA ၏ စတုတ္ထအကြိမ်အကူအညီပေးရေးအစီအစဉ် ၂၀၁၈ -၂၀၂၂ အတွက်  အမေရိကန်ဒေါ်လာသန်း(၂၀)သုံးစွဲဆောင်ရွက်ရန် Letter of Agreement (LoA) ကို ၂၀၁၉ ခုနှစ်၊ ဇွန်လ (၁၂) ရက်နေ့တွင် လက်မှတ်ရေးထိုးသည်။

သက်ဆိုင်ရာဌာနများနှင့်ညှိနှိုင်းရေးဆွဲထားသည့် UNFPA ၏ စတုတ္ထအကြိမ် အကူအညီပေးရေး အစီအစဉ်အတွက် UNFPA ၏ ပုံမှန်ရန်ပုံငွေ အမေရိကန်ဒေါ်လာ (၁၀.၅) သန်း၊ အခြား ရန်ပုံငွေ အမေရိကန်ဒေါ်လာ (၉.၅) သန်း၊ စုစုပေါင်း အမေရိကန် ဒေါ်လာ (၂၀.၀) သန်းဖြင့် သက်ဆိုင်ရာ ဝန်ကြီးဌာနများနှင့် ပူးပေါင်းအကောင်အထည်ဖော်ဆောင်ရွက်နိုင်ရေးအတွက် နိုင်ငံတော်အစိုးရကိုယ်စား ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနနှင့် UNFPA တို့က LoA ကို လက်မှတ်ရေးထိုးခြင်းဖြစ်သည်။

UNFPA အနေဖြင့် ပထမအကြိမ် ၂၀၀၂-၂၀၀၆ လုပ်ငန်းအစီအစဉ်အတွက်အမေရိကန်ဒေါ်လာ (၁၆) သန်း၊ ဒုတိယအကြိမ် ၂၀၀၇-၂၀၁၁ လုပ်ငန်းအစီအစဉ်အတွက် အမေရိကန်ဒေါ်လာ (၂၅.၂) သန်းနှင့် တတိယအကြိမ် ၂၀၁၂-၂၀၁၇ လုပ်ငန်းအစီအစဉ်အတွက် အမေရိကန်ဒေါ်လာ (၃၇.၅) သန်းတို့ဖြင့် မျိုးဆက်ပွား ကျန်းမာရေး၊ ကျား/မတန်းတူညီမျှရေးနှင့် အမျိုးသမီးကဏ္ဍမြှင့်တင်ရေး၊ လူဦးရေဆိုင်ရာကဏ္ဍများတွင် သက်ဆိုင်ရာဝန်ကြီးဌာနများနှင့် ပူးပေါင်းအကောင်အထည်ဖော် ဆောင်ရွက်ခဲ့ခြင်းဖြစ်ကြောင်း သိရသည်။

UNFPA ၏ စတုတ္တအကြိမ် နိုင်ငံဆိုင်ရာ လုပ်ငန်း အစီအစဉ် ၂၀၁၈-၂၀၂၂ ဆိုင်ရာ Letter of Agreement (LoA) ကို အစိုးရကိုယ်စား ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ နိုင်ငံခြားစီးပွား ဆက်သွယ်ရေးဦးစီးဌာန ညွှန်ကြားရေးမှူးချုပ် ဦးသန်းအောင်ကျော်နှင့် UNFPA ကိုယ်စား ရန်ကုန်မြို့ရှိ UNFPA Representative ဖြစ်သူ Mr. Ramanathan Balakrishnan တို့က လက်မှတ်ရေးထိုးခြင်းဖြစ်ကြောင်း သိရသည်။

Tachileik News Agency
ဓါတ်ပုံ -MIFER