~~~~~~~~⊰❂ Unicode Version ❂⊱~~~~~~~~

အဆိုပါ အခမ်းအနားတွင် တရုတ်ဘာသာစကားသင်တန်းကျောင်းမှ ကျောင်းအုပ်ဆရာမကြီး ဒေါ်လှလှဆန်းက အဖွင့်စကားပြောကြားပြီးနောက် ရှမ်းပြည်နယ်ဒုတိယရဲတပ်ဖွဲ့မှူး ဒုရဲမှူးကြီးမောင်မောင်သွင်က ယခုလို အသိပညာပေးဟောပြောပွဲ ကျင်းပပြုလုပ်ရခြင်း၏ ရည်ရွယ်ချက်ကို ရှင်းလင်းပြောကြားပြီး ယာဉ်/လမ်းစည်းကမ်းနှင့် ပတ်သက်၍ လမ်းမပေါ်ရှိ လမ်းညွှန်များ၊ အမှတ်အသားများနှင့် လမ်းပေါ်ဆေးရေး အမှတ်အသားအကြောင်းရာများကို ကျိုင်းတုံခရိုင် ကုန်းလမ်းပို့ဆောင်ရေးညွှန်ကြားမှူဦးစီးဌာနမှ စစ်ဆေးရေးမှူး - ၂ ဦးအောင်မိုးက ရှင်းလင်းပြောကြားသည်။

ယင်းအပြင် ဆိုင်ကယ်မောင်းသူ လူငယ်များအနဖြေင့် သိရှိလိုက်နာကာ ယာဉ်မောင်းစဉ် အန္တရာယ်ကင်းရန်အတွက် ယာဉ်/လမ်းစည်းကမ်းနှင့်ပတ်သက်၍ အမှတ်(၁၁၈) ယာဉ်ထိန်းရဲတပ်ဖွဲ့စု(ကျိုင်းတုံ)မှ တပ်ဖွဲ့စုမှူး ဒုရဲမှူးကျော်ဇောအောင်က လည်းကောင်း၊ မူးယစ်တပ်ဖွဲ့စု(၂၈)ကျိုင်းတုံမှ ရဲအုပ်လှမြင့်ဦးက မူးယစ်ဆေးဝါးအန္တရာယ်တားဆီးကာကွယ်ရေးနှင့် ပတ်သက်၍ သိကောင်းစရာများကို ဟောပြောကြောင်းနှင့် ကျိုင်းတုံမြို့မရဲစခန်းမှ စခန်းမှူး ဒုရဲမှူးကြည်စိုးက ဥပဒေရေးရာအကြောင်းအရာ နှင့် ပြည်သူလူထုပူးပေါင်းပါဝင်သော ရဲလုပ်ငန်းစနစ်များ၊ ဥပဒေ၏ အဓိပ္ပါယ်ဖွင့်ဆိုချက်များ၊ ပြစ်မှုနှင့်ပြစ်ဒဏ်များနှင့် ပတ်သက်၍ သိကောင်းစရာများကို အသိပညာပေးဟောပြောခဲ့ကြောင်း သိရသည်။

အခမ်းအနားတွင် အသက်(၁၆)နှစ် နှင့် အသက်(၁၈)နှစ်ပြည့် ကျောင်းသား ကျောင်းသူ (၂၇)ဦးအား ဆိုင်ကယ်လိုင်စင်များ ထုတ်ပေးကာ အသိပညာပေးလက်ကမ်းစာရွက်များကိုလည်း ပေးေဝခဲ့ကြကြောင်း သိရှိရသည်။

သတင်း - ငြိမ်းချမ်း(ပြည်)
ဓာတ်ပုံ - KZA