~~~~~~~~⊰❂ Unicode Version ❂⊱~~~~~~~~

ရှမ်းပြည်နယ်အရှေ့ပိုင်း၊ တာချီလိတ်မြို့ ရှမ်းရိုးမကွင်းတွင် ကွင်းဆင်းဆောင်ရွက်ပေးစဉ်က ဆိုင်ကယ်ယာဉ်မောင်းလိုင်စင်လျှောက်ထားသူ(၂၁၇)ဦးကို ၂၀၁၉ ခုနှစ်၊ ဇွန်လ (၄)ရက်နေ့က ယာဉ်စည်းကမ်း၊ လမ်းစည်းကမ်းအသိပညာပေးပြီး ယာဉ်မောင်းလိုင်စင်များထုတ်ပေးထားကြောင်း သိရသည်။

"ယာဉ်မောင်းလိုင်စင်ပေးအပ်တာက (၄) ကြိမ်မြောက်ပေါ့။ ၂၀၁၉ ခုနှစ်အတွင်းမှာ မေလ (၂၂) ရက်နေ့က ရှမ်းရိုးမကွင်းမှာ လာလုပ်တဲ့သူတွေပေါ့။ လာမယ့် စနေ၊ တနင်္ဂေနွမှာ ကွင်းဆင်းစရာရှိတဲ့အတွက် (၄) ရက်နေ့ ရွှေ့လိုက်တာပေါ့။ အရင်ချိန်းထားတာတော့ (၈) ရက်နေ့ပေါ့။ မိုင်းဖြတ်ဘက်သွားမှာပေါ့"ဟု တာချီလိတ်ခရိုင် ကုန်းလမ်းပို့ဆောင်ရေး ညွှန်ကြားမှုဦးစီးဌာနမှ စစ်ဆေးရေးမှူး(၂) ဦးစိုင်းဆမ်တစ်က တာချီလိတ်သတင်းအေဂျင်စီသို့ ပြောသည်။

အမျိုးသားယာဉ်အန္တရာယ်၊ လမ်းအန္တရာယ်ကင်းရှင်းရေးကောင်စီက ၂၀၂၀ ခုနှစ်တွင် မော်တော်ဆိုင်ကယ် မောင်းနှင်သူတိုင်း ယာဉ်မောင်းလိုင်စင်ရှိရမည်စီမံချက်ဖြင့် ၂၀၁၉ ခုနှစ်၊ မေလမှစတင်ပြီး တာချီလိတ်ခရိုင်အတွင်းရှိ ရပ်ကွက်များတွင် ကွင်းဆင်းဆောင်ရွက်မှုများလုပ်ဆောင်ခဲ့ပြီးနောက် လိုင်စင်မလုပ်ဆောင်ရသေးသူ မကျန်စေရန် ရှမ်းရိုးမကွင်းအတွင်း ကွင်းဆင်းဆောင်ရွက်ပေးနခြေင်း ဖြစ်ကြောင်း သိရသည်။

ယာဉ်မောင်းလိုင်စင် ကွင်းဆင်းဆောင်ရွက်ပေးရာတွင် လိုင်စင်လျှောက်ထားသူများကို ကုန်းလမ်းပို့ဆောင်ရေးညွှန်ကြားမှုဦးစီးဌာနနှင့် အမှတ်(၁၁၉) ယာဉ်ထိန်းတပ်ဖွဲ့စု(တာချီလိတ်)မှ တာဝန်ရှိသူများက ယာဉ်စည်းကမ်း၊ လမ်းစည်းကမ်းနှင့် ပတ်သက်သည့် အသိပညာပေးမှုများလုပ်ဆောင်ပြီးမှ ယာဉ်မောင်းလိုင်စင်ထုတ်ပေးခြင်းဖြစ်ကြောင်း သိရသည်။

သတင်း - ဟန်စိုးထိုက်
ဓာတ်ပုံ - ကျော်ဇင်ဟိန်း