~~~~~~~~⊰❂ Unicode Version ❂⊱~~~~~~~~

ကုလလမ်းအန္တရာယ်ကင်းရှင်းရေးရက်သတ္တပတ်အတွင်း လမ်းအန္တရာယ်အသိပေးလှုံဆော်မှု ကျိုင်းတုံတစ်မြို့လုံးတွင် ဆောင်ရွက်
*************
ကမ္ဘာတလွှားတွင် လမ်းအန္တရာယ်ကြောင့် အသက်သေဆုံးရမှုများ လျှော့ချရေးအတွက် လှုပ်ရှားမှုဖြစ်သည့် ကုလသမဂ္ဂ လမ်းအန္တရာယ်ကင်းရှင်းရေးရက်သတ္တပတ် နောက်ဆုံးနေ့အဖြစ် ၂၀၁၉ ခုနှစ် မေလ (၁၂)ရက်နေ့က ရှမ်းပြည်နယ်အရှေ့ပိုင်း ကျိုင်းတုံမြို့တွင် လုပ်ဆောင်သည်။

ယာဉ်လမ်းအန္တရာယ်ကင်းရှင်းရေးလိုက်နာဆောင်ရွက်ရမည့်စည်းကမ်းချက်များကို လက်ကမ်းစာစောင်များ ဖြန့်ဝေပေးခြင်း၊ ဆိုင်ကယ်မောင်းနှင် စီးနင်းသူများ ဆိုင်ကယ်စီးဦးထုပ်ဆောင်းရန် အသိပညာပေးခြင်း၊ လမ်းအန္တရာယ်ကင်းရှင်းရေးစတေကာများကပ်ပေးခြင်းတို့ကို ဌာနဆိုင်ရာများ စုပေါင်းပါဝင်သည့်အဖွဲ့ဖြင့် လုပ်ဆောင်ကြခြင်းဖြစ်ကြောင်း သိရသည်။

“နေရာတွေကတော့ ကျိုင်းတုံမြို့မစျေးပတ်လည်၊ အဝေးပြေးကားဝန်း၊ ကျောက်တိုင် အဝိုင်းပတ်အနီးနဲ့ မြို့တော်ခန်းမတို့မှာ လုပ်ပါတယ်။ မြို့မစျေးပတ်လည် လူစည်ကားရာနေရာမှာ (၄)ကြိမ်နဲ့ ကျန်နေရာတွေမှာ တစ်ကြိမ်စီလုပ်ဖြစ်ပါတယ်”ဟု ဟု အမှတ်(၁၁၈) ယာဉ်ထိန်းရဲတပ်ဖွဲ့စု(ကျိုင်းတုံ)မှ တပ်ဖွဲ့စုမှူး ဒုရဲမှူးကျော်ဇောအောင်က တာချီလိတ်သတင်းအေဂျင်စီသို့ ပြောသည်။

ကျိုင်းတုံမြို့တွင် အသိပညာပေးလှုံ့ဆော်မှုကို ကုန်းလမ်းပို့ဆောင်ရေးညွှန်ကြားမှုဦးစီးဌာန၊ အထွေထွေအုပ်ချုပ်ရေးဦးစီးဌာန၊ အမှတ်(၁၁၈) ယာဉ်ထိန်းရဲတပ်ဖွဲ့စု(ကျိုင်းတုံ)မှ တပ်ဖွဲ့စုမှူး ဒုရဲမှူးကျော်ဇောအောင် နှင့် ယာဉ်ထိန်းရဲတပ်ဖွဲ့ဝင်၊ လမ်းဦးစီးဌာန၊ မြို့နယ်စည်ပင်သာယာရေးဌာန၊ မီးသတ်ဦးစီးဌာန၊ မော်တော်ယာဉ်လိုင်းပေါင်းစုံထိန်းသိမ်းရေးကော်မတီ၊ နှလုံးလှလူမှုကူညီရေးအသင်းနှင့် လူမှုရေးအသင်းအဖွဲ့များဖြင့် ပူးပေါင်းဆောင်ရွက်ကြခြင်းဖြစ်ကြောင်း သိရသည်။

Tachileik News Agency
ဓါတ်ပုံ - KZA